「去年（2020年）國安法公佈後，香港政治開始一步步迫近，即係連普通人講野嘅自由都無啊，係咪？所以我就決定又要走啦。都覺得幾悲哀啊，其實我一生人最好嘅時間都係香港，因為大學畢業就嚟呢度，雖然初初奮鬥果幾年呢、十年八年真係好辛苦，但係而家總算就安定咗啦。」Nicole（化名）說。Nicole一口流利的廣東話，帶有濃濃的京片子腔調。可惜，Nicole所說的安定，只是這個都市暫借的浮華安逸。
80年代至今，短短40年間，香港一共出現數波移民潮，包括1984《中英聯合聲明》簽訂後、1989六四事件、1997香港主權移交、2014兩傘運動後。2020年7月1日後，中共在港強推《港版國安法》，香港又出現了新一波的逃亡潮。60後的Nicole，80年代後期為自由從北京投奔香港，在香港安居樂業30多年。想不到一場反送中運動後，《國安法》帶來了香港寒冬，因此她決定和兒子為自由再逃往他方。她的人生，她的故事，是無數香港人的縮影。
文革帶來的噩夢纏繞一生
20世紀60年代中，中國爆發文化大革命。
才幾歲的Nicole，某日在幼稚園午睡時，街外一陣敲鑼打鼓的聲音把她驚醒。她跑到鐵閘外一看，赫然看見當官的父親身在其中：「我睇到我爸爸頭戴住好高的高帽，（上面寫著）「走資派」啊嘛，跟住呢手拿住個銅鑼，走兩步敲一下……叫你戴住帽自己敲。後邊呢都係我平時在大院見的叔叔和阿姨，個個高帽上寫的都唔同，牛鬼蛇神、走資派、混入黨內的階級異己份子……」
看到如此情景她立時呆住了：「門口有個看更就指住我爸爸，我睇到果度我就呆曬啦，佢就指住我爸爸問我喎：『你識唔識佢啊？』我話我梗係識啦，佢是我爸爸嚟架！佢話：『你爸爸係衰人！』我話你先係衰人啊，我爸爸係好人嚟㗎。」Nicole回答他。
她也忍不住隔著鐵閘叫嚷起來：「做咩啊？，我爸爸是好人嚟㗎，你做咩要咁樣啊？」
又哭又鬧的 Nicole不知是昏迷還是睡著了，後來媽媽告訴她，她是發燒，燒了幾日。
媽媽又告訴她，爸爸被押往遊街時，有人給他們通風報信，遊完街後，造反派會押爸爸回來抄家，所以媽媽立刻將她和爸爸的婚紗照、西裝照、長裙照焚燬，所以造反派抄不到甚麼黑材料，只能把他們家裏的東西搗毀破壞，例如打掉酸枝木傢俬上的花邊，把打邊爐用的紫銅盆敲到變形等等。
在紅衛兵「革命無罪，造反有理」的年月，卻為千千萬萬無辜的中國人帶來家破人亡的痛苦，也為Nicole帶來一生的噩夢。
「因為我地嘅大院呢，係一排一排的，門口一個大門，跟住入到去呢就每一排一家人，跟住呢就都有個細門。一開始就係那啲紅衛兵造反派呢就將我地大門拆左。所以呢，夜晚呢，通常都係夜晚，你都訓咗覺了，就聽到「隆隆隆」一幫人跑過黎「噹噹噹」敲邊那嘅門就拉出去批鬥，都係夜晚……所以就我到而家都係咁，一到夜晚有啲聲就即刻驚醒返，好驚㗎啦！到而家都係咁。」
文革帶來的童年陰影、恐懼，從小一直纏繞住Nicole至今，遇有甚麼事情都會很緊張，無法安眠。移民香港後，初初因為各種生活顧慮問題，需要服藥治療，後來慢慢適應香港的生活，情況得到好轉、改善，但2014年佔領運動爆發後，因積極參與運動，Nicole睡眠情況又變差，間中需要服藥應付。2019年年中反送中運動爆發後，情況變得更惡劣。日間在街頭見到的景像，夜晚睡覺時成為噩夢突然向她襲來。她夢到被警察追捕，自己拚命逃跑，但跑不動，焦急之中不禁大聲驚叫出來，嚇醒、滿身大汗，後來實在不能不服藥，鎮靜身心。
目睹父母文革中受折磨 痛苦中產生追求自由的意識
被抄家後2年，Nicole的爸爸媽媽都被下放到偏遠農村，受盡折磨，再度相見時，Nicole已認不出他們。
「二年後呢我再見到我媽，已經唔識得（認得）我媽。因為我媽以前係電嘅頭髮，即係戴埋絲巾著埋啲絨褸呢，一睇就好有文化果啲呢幹部咁嘅形像。等我再見我媽，我媽已經肥咗好多，因為佢食那種藥（情緒病）啊嘛，跟住呢頭髮呢，卅歲出頭頭髮已經全部…大部份白曬，人呢就同以前係完全兩回事，我都已經唔認得佢啦。」
和媽媽回家後幾日，她們收到口訊，說爸爸會回京城醫院看內科病。
「我去到醫院呢，我係內科轉嚟轉去，我搵唔到我阿爸。跟住有個人叫我呢，我先轉身睇到我爸。我爸因為急性腎炎，人已經腫到變曬形啦，佢叫我，我都唔認得佢啦……講咗兩句說話，（佢）就問我點樣，其實我都唔知點講，因為覺得佢好陌生，同我以前（見）的唔同啦。所以呢啲印象我係好深好深，所以從那時開始，我就……講真啊，就係想自由。對呢個自由……那時雖然無講民主依啲野，但係我就覺得者係我唔想再受呢種痛苦、管啊嘛呢啲。一路到大學呢基本上我都係屬於呢種人（追求自由的人）。」
在香港生活迫人 但仍關心政治 積極參與社運
80年代後期，Nicole離開從小長大的北京，初來到香港，面對語言、生活環境的完全巨變，要適應絕不容易。
「唔識聽，唔識講，初初嚟那時呢，我係（中國）大學讀但唔使讀英文㗎嘛，我嚟度英文唔得，再加埋我嚟香港呢都唔（承）認。所以我都係明愛那度都讀過夜校、讀過英文、讀過秘書乜野打字那啲課程……差唔多一個月，個老師點我名，我都唔知佢點邊個，因為我聽唔明，我又唔知佢叫邊個。我坐後邊，後嚟佢過嚟問我呢，我就答佢，估到佢問我係邊個。我講，佢又唔識聽普通話，跟住我就寫俾佢個名，我寫又係簡體，佢唔識睇，哈哈！佢要拿個名單嚟俾我，我就自己揀：呢個係我。後嚟佢話：哎，你讀咗一個學期，我點解成日都點你，你都唔聽嘅？我話我聽唔明，就係我聽唔明。」
雖然在中國已大學畢業，但來到香港，要學習完全陌生的廣東話、英文，Nicole還是要由低學起。
「從中一開始讀起嘛，佢總係都會解釋都會講廣東話嘅。廣東話、英文我都聽唔到，那時呢一三五返學，二四六呢就係屋企查字典。」
經歷文革慘痛的Nicole明白自由的可貴，所以來到香港後，雖然生活迫人，但她仍關心政治、積極參與社運，捍衛應有的權利與自由。
「當時嚟香港的確係好辛苦，但我就係為咗自由，所以幾辛苦我都捱咗。那時八八直選，其實有啲野我唔係好明白，但係我就一路聽，就聽呢啲野，佢地講咗，我都去參加、去聽。89年就更加唔好提啦，我嘅同學都話好彩你走左，如果唔走你都係俾人通緝那個，一定係！」
那個熾熱的夏天，Nicole雖然無法前往天安門廣場，但她在香港也積極參加各種抗議活動。
「89年那時呢晚晚我都去新華社啊，那一個月都幾犀利㗎，瘦咗7、8磅。日頭又返工，跟住夜晚又去新華社那度。那時聲援（活動）有好多，新華社那度靜坐啊、聲援的人有好多，TVB個總台嘅消息都係那度知道啊嘛。我仲記得打八號風球那時出嚟，出去差啲叫風將我吹走哂，佢地出去遊行呢，我記得係唔知係李柱銘（定）唔知邊個啊，就叫旁邊嘅人：『俾個女仔…俾佢…褸住啊』，我已經全身
都濕透啊，因為（雨）遮出去都俾風打爛曬，成個人都濕曬啊。」
國安法降臨 Nicole 決定再為自由逃他方
「本來諗住呢97年回歸後肯定有啲變化，但估唔到啲變化變得咁快，呢兩年你直情接受唔到，完全同大陸一模一樣，而家又嚟個國安法，國安法簡直變成宇宙大法，佢鍾意點講點講，佢話點就點，宇宙大法啊，邊個人都啱，佢話你邊度唔啱，你邊度係（觸犯咗）國安法，成個宇宙都得㗎。」
Nicole本來一直打算以香港作為安身立命所、落葉歸根之地，所以多年來一直努力參與社運，守護所愛的香港。
「其實講真呢，佔中俾過我希望，我覺得應該……如果真係珍惜香港嘅東方之珠嘅美譽呢，北京應該聽下香港人的聲音、心聲，但係無。2019年呢……以前香港人係好怕事㗎，即係自己有工返、有飯食……即係好多人會講，哎有工返、有飯食就覺得應該默默滿足㗎啦，所以2019年呢，我覺得係香港人開始覺醒啊，我又覺得香港有希望，但係估唔到呢，即係共產黨係用更加殘忍嘅手段，即係以前點樣對中國人既手段嚟對付香港人，所以香港呢個地方雖然呢大家都諗住撐住、加油，其實我已經覺得已經無㗎啦。」
為自由投奔香港，在香港拚搏、安居樂業，可惜人算不如天算，2020年7月1 日國安法公佈後，為了下一代，Nicole下定決心要為自由再投奔他方，成為數以萬計決意離開香港的其中一人。
「我如果無下一代呢，可能我都係（留）係呢度，因為呢度仲有守護香港嘅一大批青年，我都放唔低佢地，我都想儘我嘅能力去幫佢地，但係因為呢有下一代，我唔想我嘅下一代呢再重蹈我細個那時嘅覆轍啊，所以我都係打算要走。」
文革的經歷，是Nicole的噩夢，2019年所經歷、目睹的一切，又成為她的另一場噩夢。
「19年大家都睇到，個新聞睇到，睇到啲警察點樣對付（抗爭者），我都同我啲同學講，我話以前呢我係大陸受大陸嘅教育那時呢睇到大陸拍啲戲，即係國民黨啲軍人呢點對付老百姓、日本仔呢點對付老百姓，同而家嘅香港警察係完全一樣，我以前係電影上睇到的情景呢，而家係現實那度呢成日都見到！」
Nicole的兒子在外國留學後返港工作，2019年也積極參與反送中運動，自然無法繼續留在白色恐怖籠罩下的香港生活，與母親同心同德。
「佢都想走，我都想佢走，呢啲大家都係無分別㗎……當然啦，叫我去歐美啲國家係最好啦，但係而家有好多限制，即係唔知得唔得。我個仔其實有啲想去台灣，但係我係有後顧之憂㗎，因為我覺得共產黨係癲㗎，我覺得佢對付完香港，一定係要對付台灣，我唔想我那仔又係把最好嘅時間係台灣創業，跟住十幾廿年後呢又要好似我咁又選擇逃亡。」
目前由於封關問題，辦手續又比較慢，Nicole和兒子待手續辦妥辦好就走，沒有猶豫。
「本來呢，即係諗住開放後呢，即係曾經都對中國有希望，當然希望人民嘅生活好呢，都希望佢在政治上啦開放啦開明啦，即係89一下子就將我以前呢……最早呢對中國仲係有少少那啲期望，即係89後就完全都無啦。」◇
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
