其實我好鍾意食海鮮㗎!但係海鮮真係名副其實嘅海鮮價,搵唔啱地方食嘅話好容易又貴又唔好食,或者被人當水魚咁劏,最近朋友食過一間大排檔全蟹宴話超好食叫我一定要去試。我一聽覺得好有趣,好少喺大排檔食海鮮嘅我即刻約埋朋友去試下!

店舖佢用木板同隔離嘅大排檔隔開,好似大排檔中的一間舖仔。
店舖佢用木板同隔離嘅大排檔隔開,好似大排檔中的一間舖仔。
店舖面積唔大只有唔夠十張枱,坐低見到幾枱食客都係食火鍋。
店舖面積唔大只有唔夠十張枱,坐低見到幾枱食客都係食火鍋。

呢間手工私房鍋個名好特別叫鱻潮,真係一下被佢考起唔識讀,最後要問個侍應先知「鱻」同新鮮個「鮮」同音,食餐飯都學到嘢真係有得著,哈!呢間舖雖然係大排檔,但係佢用木板同隔離嘅大排檔隔開,好似大排檔中的一間舖仔咁,面積唔大只有唔夠十張枱。坐低見到幾枱食客都係食火鍋,佢個鍋好特別兩邊都係龍頭,好特色,我第一次見,不過今次我係為試佢個全蟹宴而嚟。

佢有幾個套餐,我一行三人叫咗兩個全蟹宴,每個全蟹宴包凍蟹一隻(每位1隻)、松葉蟹腿蒸蛋(每位1份)、炸軟殼蟹(每位1隻)、日式甲羅燒(蟹+鮑魚或聖子)、鹽焗∕清蒸奄仔蟹(兩位1隻)、星洲胡椒蟹∕咖喱蟹(兩位1隻)、鮮蟹粥(人頭份量)。另外再加一個黃金軟殼蟹。

一個全蟹宴包括7款菜式。
一個全蟹宴包括7款菜式。

首先上嚟嘅係凍蟹,蟹唔係好大隻但係好鮮甜。日式甲羅燒,我揀咗鮑魚,侍應即時喺我哋面前燒鮑魚,重有一個蟹蓋裏面有蟹膏、蟹子、一隻雞蛋同埋蟹柳,燒緊嘅時候蟹膏嘅香味一邊傳出嚟真係令人食指大動,燒完上枱時侍應細心同我哋講要趁熱食。一啖放入口,嘩!不得了,濃郁甘香嘅蟹膏充滿整個口腔,實在太美味了!反而鮑魚就食唔到鮑魚味。

凍蟹不是很大隻但很鮮甜。
凍蟹不是很大隻但很鮮甜。

日式甲羅燒:蟹蓋裏面有蟹膏、蟹子、一隻雞蛋同埋蟹柳。
日式甲羅燒:蟹蓋裏面有蟹膏、蟹子、一隻雞蛋同埋蟹柳。

侍應即時喺我哋面前燒鮑魚,燒緊嘅時候蟹膏嘅香味一邊傳出嚟。
侍應即時喺我哋面前燒鮑魚,燒緊嘅時候蟹膏嘅香味一邊傳出嚟。

燒鮑魚。
燒鮑魚。

松葉蟹腿蒸蛋係大路嘢,跟住到炸軟殼蟹,炸軟殼蟹用七味粉拌碟,軟殼蟹外脆內軟入口唔會成口油,好食!奄仔蟹我哋揀咗清蒸,要知道一間食肆嘅海鮮新唔新鮮一定係揀清蒸,上枱嘅時候見到唔係好大隻,但係拆開好多膏,蟹肉鮮甜蟹膏夠香肉結實,真係好新鮮!

松葉蟹腿蒸蛋。
松葉蟹腿蒸蛋。

炸軟殼蟹用七味粉拌碟,軟殼蟹外脆內軟
炸軟殼蟹用七味粉拌碟,軟殼蟹外脆內軟

清蒸奄仔蟹,拆開有很多蟹膏,蟹肉鮮甜、蟹膏夠香、肉質結實。
清蒸奄仔蟹,拆開有很多蟹膏,蟹肉鮮甜、蟹膏夠香、肉質結實。

另外我哋揀咗星洲胡椒蟹,店家稱係用菲律賓肉蟹,見到隻蟹真係有足一斤重,蟹螯都幾大隻㗎,蟹入口充滿胡椒香,蟹肉好結實最重要係好鮮甜,基本上食完呢幾樣已經幾飽肚。最後上嘅蟹粥裏面有兩隻細蟹,真係要特別讚一讚呢一個蟹粥,佢粥幾軟綿而且無味精,雖然係細蟹但唔係水蟹,肉質一樣結實,另外再讚嘅就係相信大家有食過蟹粥嘅都知道,一向食蟹粥蟹蓋裏面嘅膏早已經冇曬得返空殼,但係呢度嘅仍然穩穩喺蟹蓋裏面,好好食!

星洲胡椒蟹充滿胡椒香,蟹肉好結實,最重要係好鮮甜。
星洲胡椒蟹充滿胡椒香,蟹肉好結實,最重要係好鮮甜。

蟹粥裏面有兩隻細蟹,與一般蟹蓋得返空殼唔同,呢個蟹粥嘅膏仍然穩穩喺蟹蓋裏面。。
蟹粥裏面有兩隻細蟹,與一般蟹蓋得返空殼唔同,呢個蟹粥嘅膏仍然穩穩喺蟹蓋裏面。。

最後就係我另外加嘅黃金軟殼蟹,外脆內軟嘅軟殼蟹入口充滿鹹蛋香,唔需要剝殼真係啖啖肉,好味到唔停得口,減肥?真係放埋一邊先啦!

黃金軟殼蟹外脆內軟,入口充滿鹹蛋香。
黃金軟殼蟹外脆內軟,入口充滿鹹蛋香。

估唔到大排檔裏面竟然有呢一個全蟹宴。價錢方面,我哋去到過咗九點半每位$298免加一,每人重可以加$28任食40款火鍋配料添~但怕食唔到咁多所以我哋冇加火鍋。優惠期去到月底,錯過咗就要等下次。唔係賣廣告,佢味道真係好過好多酒樓,而且價錢合理,鍾意食蟹嘅朋友唔好錯過!◇

米芝Gi鍾意飲飲食食,對食物質素絕對有要求, 食勻港九新界大小特色餐廳、街頭特色小食;對於市面上嘅新事物,不講論健康生活,扮靚潮流資訊佢都會留意去嘗試,有好嘢正嘢筍嘢鍾意開心share,係地道港女一名! 依家佢藉機會將愛好分享畀大家。如有好嘢正嘢想同米芝Gi分享,或者查詢及反饋,請email:micgigidjy@gmail.com