《得寵先生》日前上映，片中最震撼場面，網民力推狗狗被集體毒害，數十隻狗狗躺在泥灘和水中一幕。飾演流浪狗舍義工盧慧敏（Amy），與朗朗（小演員黃梓樂 飾）及十幾位義工，來回跑將狗狗抱上岸送院，部份狗狗在岸上被急救，爭分奪秒，氣氛緊張。另外，電影票房已突破200萬港元，為多謝觀眾支持，男女主角鄭丹瑞（旦哥）和盧慧敏決定加碼謝票場，隨時驚喜現身。還加開人寵場，讓更多狗狗與主人一齊入戲院睇戲。
拍攝時，Amy表現非常專業和認真，不顧一切衝入泥灘，水位高及小腿，連水靴都入水了，寸步難行。停機時除去水靴，倒出來都是非常污濁的泥水，但她並不在意，用清水洗淨後繼續拍攝。之後因為太忘我，手掌疑被石頭割傷流血都不自知，工作人員見狀立即替她消毒傷口。
不過Amy就更擔心拍攝工作，因黃昏將至，潮漲和天黑前必須完成拍攝，所以洗理傷口後又再埋位。而戲中的Amy與義工們合力拯救了很多狗狗，但亦有些遭遇不幸，她跪在泥灘崩潰嚎哭。
終於完成拍攝，導演兼編劇李志偉（Thomas）和何英毅（Daniel）一聲GoodTake，並宣布電影正式煞科，全場歡呼，而Amy由戲中傷心的眼淚，轉化成感激的眼淚。她與兩位導演和工作人員擁抱，互相道謝。Amy高聲多謝現場工作人員：「嘩，點講？會喊架喎！我好衷心多謝大家，台前幕後嘅人，多謝！」
Daniel導演表示感激Amy落力參與：「多謝Amy，由最初見面、傾角色、同我哋一齊去同狗狗做練習、學做手勢、同狗狗建立關係，做咗好多功課，多謝佢對我哋新導演嘅包容。」
Thomas導演就說：「喺我哋咁緊湊嘅時間裏，全力配合，真係好好！」Amy點頭，說：「係互相信任，盡在不言中！」入夜潮漲，眾人坐小艇回岸上，煞科當然要開香檳慶祝，Amy與台前幕後工作人員都玩得盡興，互相追逐噴香檳，慶祝拍攝順利完成。
「燒腩」獲封「最佳女主角」 主人感謝給予機會
電影上映至今，有份飾演「燒腩」的唐狗演員Little表現贏盡掌聲，台前幕後更封她為「最佳女主角」。但Little早前因病去逝，主人Suki感謝劇組給予Little機會時顯得非常感觸。她早前出席人寵場謝票時說：「好開心《得寵先生》製作團隊搵Little做女主角，我一直都唔知Little有演戲天份，對電影咁有熱誠，不過我知道Little好鍾意人、好鍾意熱鬧，好鍾意學新嘢，所以呢個機會...」Suki一度哽咽，全場報以熱烈掌聲。
她續說：「多謝電影團隊喺整個拍攝期間畀咗好多愛Little，兩年後嘅呢一刻，我終於喺螢幕上再次見到Little，好開心、好感觸。多謝旦哥、Amy，所有演員拍出一套咁有意義嘅戲，令大家更關注流浪動物，希望大家支持領養。」Amy感動回應，說：「好多謝你畀Little拍呢套戲，佢真係做得好好！」
隨著《得寵先生》上映踏入第二周，票房隨著好口碑節節上升，旦哥、Amy和導演等電影團隊謝票，得到很多正評，旦哥很高興，更自爆搭電梯被靚太搭訕，他笑說：「最近遇到好多識或者唔識嘅人，走埋嚟同我講『我睇咗你部戲』，有日我住嘅大廈，一入電梯有位靚太又係話『我睇咗你套戲呀』，嘻嘻！每次聽到有人咁講，我都好開心。希望除咗同我講，都同更多人講『我睇咗套戲，講老人與狗，你哋可以去睇吓啦』，推薦畀大家，去喜歡呢套電影。由兩位香港導演好用心去拍，我都用咗好多心機去做『任春佳』呢個角色。依家喺街有人叫我『佳叔』，我好開心！」@
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
