擁有40吋長腿的盧慧敏（Amy）在電視劇《叠影狙擊》裏飾演女殺手，雖然做Model的她一向著慣高跟鞋，但Amy一樣比「著住高跟鞋嚟跑」難倒，更自嘲似「蟹和馬溝埋嘅生物」，並指拍劇令她知道自己好多缺點。
劇中作為女殺手的Amy，第一日就位便是拍動作場面，拿起手槍在街頭駁火，還狂跑幾條街追殺目標，40吋長腿飛踢動作，非常有型。
不過Amy亦發現自己缺點多多，而最大問題就是，穿高跟鞋跑步的姿勢太奇怪，她說：「我做Model或平時工作，經常著高踭鞋行和企，雖然唔可以話係乜嘢『強項』，但至少習慣晒，一定無問題。不過今次拍戲要『跑』就係一大學問。需要平時唔用嘅肌肉幫手，先至可以好穩陣和做出有型跑姿」，又指自己有「跑步困難症」，從小到大只在危急關頭才會跑，「當然唔會理儀態何儀容」，她坦言要再找武術師傅研究和上堂學習，更自嘲跑姿「好似一個蟹和馬溝埋嘅生物」。
戲中Amy與黃宗澤有不少對手戲，她感謝對方的耐性，又感謝導演指導她這個沒甚拍戲和武打經驗的新人：「佢哋好仔細咁同我講解，我做得唔夠鮮明，鏡頭前講求好高嘅清𥇦度，動作要好利落。少少似音樂，每一個動作都好似打一下拍子，要好清楚，呢啲全部都係佢哋經驗分享。」Amy說前輩的指點好寶貴，而且實戰見到自己的「不足」先可以進步：「過咗今日我又進步咗，要一日比一日強！」@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
