鄧麗欣（Stephy）今日（15日）生日，其Fans Club前日已經為她舉辦生日會。Stephy與逾百fans切蛋糕、唱生日歌、玩遊戲，fans亦分享追星點滴。Stephy更率先宣布明年3月，在紅館舉行首次個人演唱會作為「回禮」，與fans齊齊感動落淚。
Stephy在台上說：「我有一份禮物送俾大家，但呢份禮物今日攞唔到住，幾時攞呢？我約定你哋，明年3月⋯⋯」她眼泛淚光，有fans似乎猜到報以歡呼聲，她掩嘴點頭示意猜對，全場發出掌聲。冷靜幾秒後，她續說：「明年3月紅館見！」台下fans立即興奮歡呼，有不少感動到要抹眼淚。Stephy說：「我嘅生日願望真係好簡單，希望大家以最開心、最健康嘅身體嚟睇我嘅演唱會，嗌大聲啲！」全場尖叫。
之後Stephy接受訪問時，笑言以為會忍得住眼淚，結果還是失守，她說：「其實咁多年無論任何嘅歌迷聚會我都會喊，今年以為自己勁咗，點知都係忍唔住。我覺得好感動，尤其是望住咁多位好熟悉嘅面孔，支持咗我咁多年，我覺得呢一個回饋對於佢哋、對於我自己都係好重要。希望大家得到呢份禮物覺得開心，希望所有fans都買到票入場，真係好開心，約定大家紅館見。」
台下有fans一起哭，Stephy說：「佢哋可能都諗『終於等到呢一日啦』，見到佢哋開心和感動，對我嚟講真係好重要，令我更加努力去做好呢個演唱會，唔好令佢哋失望。」她並說：「咁多年來收咗好多fans嘅禮物，我送返俾佢哋嘅禮物，除咗係我嘅努力和進步，都諗唔到送乜嘢更加好，所以就趁一個咁好嘅時機同大家宣布，我相信對佢哋嚟講係最好嘅禮物，就係我明年紅館演唱會。」
Stephy在19歲出道，不少fans支持她近十幾年。Stephy說，在生日會fans分享環節，聽到他們的追星故事，見到他們的珍藏品已經很感動。她說：「佢哋好多人都支持咗我十幾年，而我好細個入行，佔咗我人生超過一半時間，全部都同大家一齊渡過。呢啲經歷得來不易，好值得珍惜。」有fans表示因Stephy而找到自己的人生目標、事業、愛情，甚至改善與家人關係。
Stephy收到很多fans手造的生日禮物，特別開心。她說：「禮物不在乎價錢，最緊要係佢哋嘅心意，所以好多年之前佢哋已經開始會親手整禮物俾我。今年Fans Club仲特別整咗一部扭卡機，所有扭卡得到嘅錢都捐去慈善機構。呢份禮物對我嚟講係最好，見大家排晒長龍，多謝大家落力參與。」Stephy更放入幾十張親筆簽名隱藏版給fans驚喜。@
------------------
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
