集合一眾年輕新晉演員拍攝的愛情電影《不是你不愛你》，早前在聖誕、元旦長假期舉行多個優先場，反應熱烈。第一次拍戲的林熙彤Hazel除了做足功課外，亦為藝術而犧牲奉獻出多個「第一次」！
首次進軍大銀幕、剛踏入20歲的Hazel，由Model界別踩入影圈，今次在劇中飾演可愛少女，Hazel坦言埋位前有做足功課：「戲裏面我飾演子欣，一個好鍾意唱歌嘅女仔，只有17歲，同我年紀好相近，埋位前我睇咗好多戲去參考，諗咗好耐點樣去呈現十七歲嘅子欣俾觀眾睇，佢嘅性格應該會係點。」
Hazel又笑言，拍《不是你不愛你》奉獻了她好多「第一次」：「除咗第一次拍戲，仲有第一次唱歌、第一次打人，第一次螢幕初吻就獻咗俾昊森，當日我哋係第二次見面，但我就係第一日埋位第一場戲，所以好緊張，我仲要係主動向佢表白、再錫佢塊面」。
除了螢幕初吻令Hazel手足無措，掌摑戲中情敵Helen譚凱倫也令她相當內疚：「拍之前有不斷問人要點樣掌摑人，Anjaylia（陳嘉寶）教我要剪指甲，去到現場就有武指指導我點摑，原來唔容易，同埋我摑咗好多次，有啲大力，雖然Helen冇受傷，但每次打完我都要攬番住佢，好內疚。」
除此之外，飾演夢想成為歌手的女主角，Hazel獲男主角陳昊森幫忙穿針引線安排試音，「入錄音室覺得好得意，戴住耳機會聽到自己把聲聽得好清楚，平日自己喺洗手間唱歌，以為好好聽，但當聽到咁清楚嘅時候，就會發現有啲高低音要處理，其實唱歌都好好玩，日後會努力去學吓。」
至於在戲中跟Hazel飾演兩兄妹的阿丙梁仲恆，雖然身高懸殊，但劇組上下都覺得他們好有「兄妹相」。「阿丙戲裏面嘅打扮好得意，短褲爛衫人字拖，而我就著到色彩繽紛，我哋一見面冇嗰種尷尬，節奏上夾得好好，真係好似阿哥同阿妹咁。」@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
