由葉念琛身兼監製、導演、編劇的全新浪漫愛情作品《不是你不愛你》，邀請台灣文藝感演員陳昊森擔任男主角。陳昊森為學好廣東話變成「好學寶寶」，在片場不斷向台前幕後請教，他提出「冇咁快」與「未有咁快」有何分別的問題更掀起全場熱議。

據了解，陳昊森與陳嘉寶（Anjaylia）在戲中飾演已分手的情侶，拍攝當日是他們首次埋位對戲，對於這位「前女友」，陳昊森透露他和跟Anjaylia遇到的戲不是很多，但每一場都很重要，所以他們的默契是很重要的。

除了戲裏一拍即合，二人在戲外同樣默契十足，Anjaylia更充當對方的臨時廣東話老師，當陳昊森嘗試用廣東話講「我第一次睇到雪兒」，Anjaylia馬上幫忙糾正發音。Anjaylia大讚陳昊森好學，「佢嚟到香港咩都想學」，又大爆當日的教學鬧出笑話：「我都冇諗過廣東話原來咁難，佢頭先問我『冇咁快』同埋『未有咁快』嘅分別喺邊？我答唔到！哈哈！」陳昊森提出的疑問亦考起在場的工作人員，掀起討論。

Anjaylia對陳昊森有讚無彈，直言自己好信任對方，「我覺得主要係信任度，我好信任佢，佢係一個好演員，剛才見到佢份劇本，上面寫咗好多字，密密麻麻做好晒功課，同埋佢個人好nice，好願意一齊傾，放心個配合度……」話未講完，好學的陳昊森想用廣東話重複她講「放心」，卻講了「放鬆」，令Anjaylia哭笑不得。

另外，Anjaylia為了今次演出則作出一個很特別的語言訓練，原來是去台灣旅行，她笑言：「我好鍾意台灣，今次亦係第一次同台灣演員合作。我事前問導演，可唔可以畀我試吓講普通話對白？導演話OK。我好有心㗎，開工前專登去台灣旅行練習」。

浪漫愛情電影《不是你不愛你》正式預告及海報今日曝光，由譚旻萱、陳昊森、梁仲恆、林熙彤、陳嘉寶、林家熙、周漢寧等主演，將於聖誕新年檔期搶先與香港觀眾見面，成為聖誕新年檔期唯一本土愛情片，當中會在12月23至26日，以及12月30日至1月1日推出優先場，明年1月18日浪漫上映。劇組事先張揚會派出不同組合到戲院謝票，為觀眾帶來一部開心難忘的節日電影。@

------------------

🏵️《九評》20周年👉🏻 https://hk.epochtimes.com/category/專題/退黨大潮

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand