電視劇《叠影狙擊》昨晚上演一場美女救英雄劇情，由飾演女殺手的盧慧敏（Amy）綁架黃宗澤，再由女神周秀娜前來營救與Amy大打出手。雖得女神貼身拯救，但原來拍攝過程黃宗澤「有苦自己知」。
拍攝這場黃宗澤被繩索勒頸、禁錮在貨倉半天吊的戲份，負責救人的娜姐周秀娜原來險傷黃宗澤重要部位。黃宗澤事後說：「其實我兩邊大髀罅有安全帶連住條威也，對腳其實唔可以合埋，但你剛才衝埋嚟，攬實夾埋我對腳，真係好痛，但拍嘅時候，我唔敢話你知，唔想嚇你。」
第一次拍動作戲的Amy表現緊張，與娜姐試位時，便意外打中對方的嘴唇。（寰亞集團提供）
另一邊，Amy則是首次飾演打女，表現緊張，一早便到達拍攝場地練習動作。但意外永遠是意料之外，當Amy與娜姐試位時，便意外打中對方的嘴唇，令Amy的壓力倍增，她說：「今日嘅對手係周秀娜，我哋係未試過有任何對手戲，大家初初認識，一埋位就要打，剛才試位嘅時候，可能未試到好準，所以佢嘴唇食咗我一拳，好在冇受傷，但我寧願自己俾人打，原來真係會好大壓力，希望日後可以儲到更多經驗，因為要有信心，打出嚟嘅動作先會靚。」
雖然被打，但娜姐不忘鼓勵Amy：「通常打人嗰個會大壓力，因為驚整傷對方，但我有同Amy講，我有晒保護墊，叫佢放膽，但佢太斯文，唔敢打落嚟，諗番以前我做新人嘅時候都係咁。」@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
