寰亞唱作歌手安仔陳健安迎來今年第5首派台作品《天下無敵》，新歌背後包含一份深厚的情誼與難得的經歷，靈感源於安仔與認識逾二十年的中學同學於年初展開的首次團體旅行（Grad Trip）。這趟充滿笑聲與回憶的旅程，最終化作音樂與影像，成為一份永恆的紀錄。
《天下無敵》由安仔與同行好友兼中學同學葉澍暉（Jeffrey）共同作曲，並由Jeffrey擔綱編曲與監製。為追求全新體驗，Jeffrey提議赴日本進行錄音。
安仔笑言出發前非常緊張：「真係好緊張，比平時我自己準備嘅時間多好多！我提前一個月已經喺屋企練好歌，希望去到日本錄嘅時候已經非常熟練。」今次赴日錄音，還有另一個重要原因，就是再次邀請年初一起到日本旅行的同學，原班人馬再次出行，估不到大家都能夠在百忙之中夾到時間再次出發。
一行7人、一年內去了兩次日本旅行，途中亦記錄了大量的旅行片段，安仔決定將所有畫面，剪輯成為《天下無敵》的MV，並由他親自操刀做剪接師。「呢個MV我一定要親手落手落腳去剪，因為我先係最明白整件事係點樣。裡面每一個人都唔係演員，全部都係我真真實實嘅朋友同生活片段。大家不妨俾俾意見，睇吓我剪MV剪成點。」
除了用畫面記錄這份友誼，安仔還用上了他們的聲音，他說：「首歌聽到最尾一段，好似合唱團咁，就係同我呢幾個朋友一齊錄。好想留低佢哋嘅聲音喺我作品入面，之後可以回顧，同埋係一個好好嘅紀錄。」
歌詞部分繼續由合作無間的Oscar掌筆，以細膩的筆觸道出友誼的珍貴。安仔透露自己在首次試唱 Bridge（段落）「玩多一次，或也許轉個頭已一輩子」時即場落淚：「真係好感動！因為每次去旅行嘅時候，你未必知道嗰次會唔會係最後一次，唔知幾時再有機會咁樣去旅行。」
《天下無敵》旨在傳遞溫暖與陪伴的力量。談到歌曲的核心概念，安仔坦言：「當我哋生活好迷失、好lost、好唔開心嘅時候，其實有一班朋友出嚟去旅行、聚埋一齊，所有嘢都可以解決到，所有嘢都可以天下無敵！正如副歌第一句所寫『一一起即刻變天下無敵』。」
除了宣傳新歌，安仔今個月底將推出全新概念專輯《時間感【早】》，並在11月29日於西九文化區自由空間大盒舉行《陳健安時間感 sooner or later》新碟發佈音樂會，購買VIP門票組合的觀眾，除可與安仔1:1合照，還可以在開show前，參與負責今次專輯概念設計的Oscar所舉行的「Oscar專輯概念前導分享」，門票今日在The Club Mobile App獨家發售，一眾樂迷絕對不容錯過。
音樂會詳情
活動日期：2026年11月29日，晚上8時
活動地點：西九文化區自由空間大盒
演出長度約為90分鐘。
活動不設劃位。演出期間，觀眾需坐在主辦提供的坐墊上。
VIP 組合包括新碟音樂會 門票一張及《時間感【早】》親筆簽名專輯一隻；VIP 組合設獨家福利：包括同安仔 1:1 合照、優先入場以及音樂會前「Oscar 專輯概念前導分享」(約20分鐘) @
✍︎ 給讀者的信 → https://tinyurl.com/25thStillHere
-------------------
25周年，我們仍在這裏。
感謝同行，記錄未來。
-------------------
支持我們：
❍ 刊登祝賀廣告／合作：
☎︎ 2770 5566
❍ 加入網站會員：
https://hk.epochtimes.com/subscribe
❍ 購買實體報紙｜銷售點：
https://www.epochtimeshk.org/stores
