陳詠燊執導及編劇的港產片《飯戲攻心》入圍第24屆意大利烏甸尼遠東電影節競賽單元（Far East Film Festival），同時獲提名角逐最佳劇本大獎The Mulberry Award，片中女主角之一鄧麗欣（Stephy）隻身遠赴烏甸尼參展。片中飾演一家人的大佬黃子華、男友張繼聰、細佬陳湛文及王菀之、林明禎拍片助陣。

黃子華要土產：大中細 「獎」呀

「大佬」黃子華帶「全家」為Stephy拍片打氣之餘，更不忘「自肥」落order 要手信。

黃子華話：「恭喜晒，Stephy拍套喜劇竟然可以拍到去烏甸尼，烏甸尼我就唔係好熟，我只知道有一種土產好受歡迎，聽聞過好耐，希望你可以攞返來俾我們，就係『獎』呀，大、中、細，各種都買點回來呀。應該買不到吧？不過都攞啲返來啦！等大家高興吓，辛苦晒你。」

林明禎就用可愛的廣東話參雜國語說：「大佬有句口頭禪話：『去遠點』，今次《飯戲攻心》真係去到好遠，去到烏甸尼參展，希望你為香港爭光！加油！親一個！」林明禎還用心心手勢並作狀送飛吻給Stephy。

「細佬」陳湛文就想預先慶祝，仲向「妹仔」 Ivana（王苑之）落order，「咁好消息，等我叫Josephine（Ivana戲中角色）整碟靚叉燒畀你帶上機，等我哋嘅有福叉燒可以揚威海外！」

張繼聰深情等「女朋友」返來 ：唔好咁大頭蝦呀

Ivana （王苑之）就角色上身，唔單止話要整碟靚叉燒和燒鵝給Stephy上機傍身，同時都不忘「自肥」要手信，肉緊地話：「你去到之後記得買啲意大利粉和Cappuccino返來！」

阿聰（張繼聰）則深情地同戲中「女朋友」Stephy講：「你自己一個出遠門一定要小心啲，唔好咁大頭蝦呀，我會喺香港乖乖地等你返來，等你好消息！」

鄧麗欣除罩呼吸新鮮空氣 在街頭聞到叉燒香

現身烏甸尼街頭，Stephy除罩呼吸新鮮空氣，心情靚靚地拍片表示：「好開心將《飯戲攻心》帶到意大利，就好似身處街頭都聞到飯香同叉燒香，承「大佬」所言將土產（奬座）帶返嚟香港，記得等埋我齊人開飯。

由於疫情關係，Stephy此行可見興奮又緊張。香港時間23夜晚10時許，Stephy在IG上載多張現身烏甸尼遠東電影節，置身現場與國際影片參展者一起的相，相中Steph一席彩色拖地長禮服，白色涼鞋及白色手袋，高貴優雅，不少圈中人包括毛姐（毛舜筠）等紛紛留言讚好。並預祝她攞獎返來。@

------------------
請訂閱新官方YouTube頻道：
https://bit.ly/2XxPrsd

✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk

------------------

🏵️《九評》20周年👉🏻 https://hk.epochtimes.com/category/專題/退黨大潮

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand