外賣食出蜈蚣 投訴食環後外賣平台賠償加碼

一名市民在網上圖文並茂稱自己透過外賣平台叫來的外賣，一碗湯中有手指般長的蜈蚣，稱「真係荒謬到我當時嚇到喊唔出」。事後向外賣平台反映，對方僅稱會賠償該碗湯所值的8元，但是得悉事主報食環署後，就多賠50元，並取消訂單退回全款。

女事主上周三（20日）在社交平台Threads發文，稱透過外賣平台keeta叫來燒味飯，並有一碗湯。圖片見到，一碗有菜和豆的湯中，有一條灰色蜈蚣，不過發文者並無公開涉事餐廳的名字。女事主指「真係一次比一次黐線，我以後唔會再嗌外賣了」，並稱自己事後腹瀉，「到今日為止我肚痾左四次」。

她之後指，向keeta投訴，對方回覆「非常抱歉給你帶來了不好的體驗」，並稱「這邊核實到湯價值 8 HKD（港元），我將給你操作賠款」，請事主提供銀行卡資訊。事主分享時形容「這邊再次感嘆，Keeta良好的客戶服務」。

隨後她稱向食環署投訴，對方從她聽到湯中有蜈蚣，「佢都嚇左嚇話，下，有蜈蚣啊？」事主表示，向外賣平台表示自己已經報食環，「跟住Keeta即刻賠我$50 仲取消埋我訂單」，質疑「其實你驚緊啲咩，平時又唔見你咁積極」。

她之後稱，「啱啱食環上左黎收證物了…但原來我係沒有賠償的，我想要精神損失費」。

本報正向食環署查詢事件。

事件引來網民分享自己的經歷，有人稱「我上次食到大曱甴，間餐廳話係我自己擺入去。我話要精神賠償，佢上網話我係X客仲勁多人附和一齊鬧我」，亦有人指，「我都試過一次仲大條過你，又係例湯⋯⋯好似最後罰款就算」。@

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

外賣食出蜈蚣投訴食環後外賣平台賠償加碼