馮允謙尾場紅館騷流鼻血 偷襲陳卓賢令全場尖叫

馮允（Jay）昨晚（11日）在紅館舉行尾場演唱會，邀來3年前曾合作開騷的MIRROR成員陳卓賢(Ian)擔任嘉賓。兩人合唱《DWBF》時，Jay突然出手摸Ian胸肌，全場尖叫，Ian呆了半秒。Jay完場後解釋，只是想「俾膽佢」，拍拍他打打氣。

Jay稱3年前因合作開騷而結識了Ian，感激他抽時間現身。Ian笑道：「我當時識你，你唔識我啫，我有聽你啲歌。」Jay連忙解釋︰「我知你係邊個，意思係大家未熟。」Ian自言是Jay粉，很喜歡他的歌曲《Me and the Moon》，原希望這晚能唱出這曲，唯知道歌曲早在Jay的演出歌單內，只好轉當聽眾，改唱自己的《地球上的最後一朵花》。演唱會尾聲，Jay感謝歌迷令他有機會再踏紅館舞台︰「上次真係好緊張，只識得震，今次真係好享受呢個舞台。」

昨晚兩度Encore，Jay換了演唱會版黑色tee出場，揚言歌單已唱完，觀眾吶喊不同歌名點唱，Jay笑說：「好嘈，我咩都聽唔到。我有睇你哋啲Comment 架，『Jay Fung做咩唔唱舊歌？』我唱舊歌，你哋係咪會一齊唱先？我唱你哋唔唱，我嬲架！」大合唱《我好想你》全場燈海，場面震撼。之後歌迷又不肯散場，Jay唱《生不逢時》後向歌迷飛吻揮手道別，一連三場演唱會在歡呼聲中完美落幕。

完場後接受記者訪問時，Jay還透露趁Ian唱歌時，他落台換衫期間突然流鼻血，令他一度猶豫應否終止演唱會，最後他堅持上台演出。他說：「當我唱到《約齊靈魂在墳幕開生日派對》時，好驚噴血，所以之後幾首歌我都少少抬頭、向上望，好驚流出嚟！」

昨晚出席演唱會的有寰亞集團主席林建岳博士、蘇志威與囡囡、梁釗峰、NowhereBoys主音Van與太太Wendy 、MIRROR成員李駿傑（Jeremy）、ERROR隊長梁業、李幸倪（Gin Lee）、RubberBand主音6號與太太Tim Lui、林奕匡與太太李靄璣等。@