ERROR團歌《無敵聖衣》大玩日式動漫風格MV

男團ERROR今年首支團歌《無敵聖衣》昨日（12日）正式面世，新歌大玩J-POP曲風和日本動漫式MV，歌曲寓意每個人都可以著上聖衣、戴上光環做主角，打做屬於自己嘅成長曲線。

ERROR昨日到電台宣傳新歌，吸引了近百位粉絲冒雨等候，4人亦與一眾「404」（ERROR粉絲）近距離接觸。新歌《無敵聖衣》MV甚有日本動漫風格，193（郭嘉駿）在訪問中透露，一切都來自於一個忽發奇想：「MV有少少趕，我要出trip工作，返到嚟冇時間拍MV，於是同陳考威錄完音，傾開MV要點拍好，傾傾吓見到一啲動畫reference。我哋做呢首歌嘅時候，都想有啲日系動畫主題曲嘅感覺，所以就諗，不如用日系動漫風畫出嚟。我哋上網搵咗好多reference，然後搵咗之前為我哋嘅節目《花姐ERROR遊》同《辣王傳》畫過動畫嘅團隊，幫我哋製作咗呢個MV，都幾滿意。」

除了曲風有J-POP風格和MV有日本動漫風格外，阿Dee（何啟華）亦指新歌的歌詞亦有電玩的元素和概念：「以前打機係一關關一層層咁上去，而我哋用呢個去比喻每一個人要go through嘅困難嗰個過程，就好似打機咁，要一層一層同魔王對戰。打輸咗唔緊要，Countinue再復活再打，我哋就係用咗呢個角度去表達《無敵聖衣》裏面所講嘅堅持。」

雖然今次MV以全動畫方式呈演，不過ERROR4子在製作過程中都提供了許多意見，希望能夠保持團隊的搞笑風格之餘，亦能夠點題，阿Dee表示：「好似我哋嘅角色造型，起初有啲次美國漫畫風，後來再改動成為日漫，同埋成個MV嘅graphics都有作出調整，做過好幾個版本，係兩種氣氛嚟，但最後揀咗呢種線條比較簡單，但走出嚟效果會比較cute、親民，容易入口啲嘅表達方式，而家成品同音樂可以扣埋一齊，所以我好滿意。」

保錡（吳保錡）就透露，今次MV之中亦加插了許多ERROR出道至今的事蹟：「睇完MV真係好多回憶，好似笨豬跳，就令我諗起當日《花姐ERROR遊》嘅點滴，真實做唔到嘅時候，就喺呢個動漫MV做到了。「希望我哋四個人，可以力挽狂瀾，慢慢攀上去，一開始，就好似MV入面，大家只係著住紙皮衫，到最後終於有件無敵聖衣，就係慢慢累積level up，同我哋事業一樣。」@