1月14日係男團ERROR成員肥仔Fatboy（梁業）的32歲牛一，籌備多時的新歌《Dear MAMA》亦於同日上架。新歌中，肥仔大放催淚彈，搵鮑姐（鮑起靜）飾演女主角，但就被鮑姐搞喊。新歌推出後，肥仔亦搞喊咗觀眾。

新歌推出即衝破十萬點擊 成熱門之選

《Dear Mama》是Fatboy肥仔的第二首個人作品，他趁生日之際送給媽媽，想藉首歌表達對媽媽的感激，以及致謝曾經幫助過他的人。MV中，肥仔的落力表演和真情流露，加上老戲骨鮑姐的啟髮帶動，賺人眼淚。最後一幕更將劇情推向高潮。

新歌《Dear MAMA》1月14日中午於商台叱吒樂壇首播，之後同日亦於各大音樂平台上架，最後則在ERROR YouTube MV 首播。ERROR官方平台推出15小時，今日(15日)已有近13萬點擊觀看，成熱門之選。

首歌未推出時，肥仔曾在訪問中講：「上年話今年我地會更加努力，點知我地今年都未夠努力。應承大家黎緊呢年我地4個真係會開盡火力去做音樂，但唔知d歌你地會唔會鐘意呢？」

相信觀眾的點擊觀看已經給了肥仔答案。不過就未知距離他的終極目標仲有幾遠呢：「我嘅目標係做到亞洲肥仔第一跳唱歌手就係咁簡單~~~完」

唱出仔女心聲引發觀眾共鳴 眼濕濕咁聽

「仍然未說的，別又預留下一次。人是善變的，就是得你未變。回想你甚麼都奉獻，換我的健全。」肥仔的歌唱出了好多仔女的心聲，令人眼濕濕咁聽。

「想講但一拖再拖，直到夢到你離開我......I just wanted to say ,thank you mum for your loving everday.」

肥仔表示 「面對過好多離別，想珍惜家人唔好比自己有任何後悔。但男人老狗好少就咁同屋企人面對面講出心底話。所以憑歌寄意。」這首憑歌寄意就喚醒了唔少人的童年回憶，同媽媽和屋企人。

有觀眾表示「見到張相（Poster）已覺感動」，並對肥仔「用作品說話」俾咗好多Like。有一直關注他的網友表示「我記得你之前響志雲訪問講過夢到呢個夢， 之後喊到癡線... 加油」。

亦有觀眾表示見到幅圖，聯想到當年鄭則士那套感人戲《肥貓流浪記》。 

另有一位網友感觸表示，「見到呢幅圖知首歌一定係超級催淚彈，愛要及時，別讓自己後悔。」@

------------------
請訂閱新官方YouTube頻道：
https://bit.ly/2XxPrsd

✅立即支持訂閱：
https://hk.epochtimes.com/subscribe
✅直接贊助大紀元：
https://www.epochtimeshk.org/sponsors
✅成為我們的Patron：
https://www.patreon.com/epochtimeshk

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column