歌手鄭中基上星期在毫無預警下表示與經理人何慶湘及自己開設的公司「機動娛樂」終止合作，並表示因個人情緒及健康問題，將會在完成高雄演唱會後休息。他昨日（5日）再發表正式聲明，確認何慶湘已經離職。他今日再於撰文承認自己患有抑鬱症和再次飲酒，並計劃完成手上的工作後，到美國接受戒酒治療。
鄭中基於上周六（3日）突然在社交網站帖文，表示「由於發現何慶湘工作及道德操守有問題，本人與機動娛樂即終止合作，有關工作交接問題會另作安排。」由於鄭中基本身就是「機動娛樂」的老闆，外界一度以為鄭中基的帖文是開玩笑。不過鄭中基及後再帖文表示「多謝大家關心，因個人情緒及健康問題，決定高雄演唱會後離開，好作休息，多謝大家一路支持。」
鄭中基周一透過機動娛樂發表正式聲明，確認何慶湘已經離職，他因個人情緒健康問題，將會在完成手頭上所有工作後暫時休息，直至另行通知。公司旗下YouTube channel「機動電視台RTV」，將有節目調動安排，在未來仍會如常運作。
另外，鄭中基在社交網站Instagram和Facebook個人簡介上，亦已將何慶湘的聯絡人資料刪除，換成了機動娛樂的電郵地址。
鄭中基到今日再於社交網站Facebook發文，交代今次事件：「大家好。早前我發咗一個關於我公司同埋我健康嘅聲明，引起咗好多朋友嘅關心亦引起好多嘅猜測。基於公司嘅事情係會如常運作，希望可以好好咁處理再次交代，唔想影響太多人。」
他說：「今日我想講一下我自己嘅問題。大家平時見到我大癲大肺、拍搞笑戲、開channel拍片、開演唱會，表面上好似無嘢咁。其實咁多年黎我都仲係一個唔識得面對壓力同埋唔成熟嘅人。仲記得2000年我因為喺飛機醉酒鬧事，引致好多我嘅fans失望，仲有影響到我嘅家人，後來我決心戒咗酒，想要做一個清醒嘅人。之後喺無向公眾交代情況下，我經歷咗一段好短嘅婚姻，呢段婚姻令到我好唔開心，亦好好咁反省過自己嘅問題。」
他提到太太余思敏，指兩人一起組建家庭，有兩個小朋友，是一件好幸福的事。「但當面對壓力、面對工作、面對人嘅時候，原來我自己嘅問題係無徹底解決到，好多嘢我都未能做到好好去溝通，好多嘢我都無處理好，令家人失望。」
鄭中基坦言，自己在朋友建議下去看醫生，發現患上抑鬱症，並靠藥物控制，但自己再次做出錯誤決定，「選擇咗飲酒去逃避現實，太太都有同我講，我係自己呃自己」。
他說自己「壓力終爆煲」，過去幾日反省自己，「工作忙唔係藉口，唔識溝通就要去學識溝通，我覺得好對唔住我屋企人，尤其是我太太同仔女，對唔住！ 我會用時間同行動去證明我會努力做好丈夫、爸爸同鄭中基既呢個決心。」
鄭中基表示，接下來要去解決自己和公司的問題，完成手上工作後會與太太去美國參加戒酒中心的療程，「都50幾歲嘞，我要去諗清楚點樣去面對自己，然後先可以面對大家，我希望返黎之後可以做一個更好嘅自己。呢幾日佔用咗大家嘅時間同埋媒體版面，好對唔住，我希望自己嘅問題真係可以自己去解決，多謝。」@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
