天后鄭秀文(Sammi)演唱會昨晚(16日)繼續紅爆紅館,並邀請新一代歌手陳凱詠(Jace),齊齊合唱《煞科》。能夠同Sammi如此近距離同唱同跳,Jace表示好夢幻!今次更是Jace第一次踏上紅館舞台。
昨晚在紅館舉行第四場,好友任賢齊(小齊)、蔡卓妍(阿Sa)、導演莊文強、蔡穎恩(Evelyn)與老公攝影師譚運佳、Vian@Me&、中國歌手蘇運瑩等捧場。在表演嘉賓Jace出場前,Sammi稱:「今晚呢位嘉賓,我自己覺得好啱口味,唱快歌又得唱慢歌又得,充滿energy嘅新晉歌手。現場觀眾未必個個都認識佢,但我覺得呢個舞台,我好希望能夠分享俾啲新歌手。舞台我就分享咗啦,至於你嘅演出能唔能夠打動到觀眾?就要靠你自己啦!」然後音樂響起《煞科》,Jace毫無怯場,跟Sammi台上又唱又跳,還加入一段rap助興,全場High爆。期間Jace興奮高呼:「好夢幻呀,我同Sammi一齊唱歌呀!」
唱完二人擁抱,Sammi說:「每一個歌手都係由新人開始,當初好多前輩歌手俾咗好多機會我上舞台,我先至可以慢慢一步一步行到今天,我都希望今次演唱會,可以同啲比較新晉嘅歌手分享。」
第一次踏上紅館舞台的Jace表示:「感覺太神奇,好正呀,咁近距離感受Sammi嘅energy。你超好地鼓勵咗我好多,因為之前一段時間唔係好容易過,但Sammi超好,私下同我講咗啲說話,令我覺得我真係要加油。」全場掌聲。笑言奪走Jace第一次的Sammi說:「長路漫漫,前面嘅路係你哋架啦,你要加油呀!」之後Jace送上一個湯壼,說:「我本身諗住自己煲湯,但考慮Sammi健康,所以裏面係我寫嘅一張湯券,等你演唱會完成之後,可以隨時兌換我煲嘅湯。」Sammi笑說:「唔怪之得個壼輕飄飄啦!」她落台換衫,Jace與帶來的舞蹈員表演自己的新歌《百妖夜行的修行》。
演唱會尾聲,全場大叫encore,Sammi演唱新歌《盲盒》後,對觀眾說:「我知你哋好需要集體回憶,鍾意比較熟悉嘅歌,大家記唔記得幾廿年前(24年前)《夏日的麼麼茶》?『麼麼茶』今日嚟咗呀,小齊!『麼麼茶』今日好風騷喎,粉紅色tee、白色框眼鏡、仲有牛仔帽。」小齊拿起咪高峰跟觀眾打招呼,全場歡呼,小齊說:「『麼麼茶』一路喺馬來西亞嘅熱浪島等Sammi返嚟,等唔到,我就嚟香港搵你!點知我一返嚟香港,個個叫我『秋哥』,因為《九龍城寨之圍城》!」Sammi興奮地說:「恭喜你,過億票房!」
小齊表示好期待再跟Sammi合作拍電影,說:「你攞獎嘅時候,我仲開心過自己攞,好感動!」Sammi說:「終於攞到啦,yeah!有夢想唔好放棄,70歲都係攞獎時,你加油,演技再進步啲呀!」然後小齊即興與Sammi唱了一段電影《夏日麼麼茶》主題曲《浪花一朵朵》,不過Sammi笑指他將「浪花」說成「老花」,廣東話有待進步,全場爆笑。@
------------------
📰支持大紀元,購買日報:
https://www.epochtimeshk.org/stores
📊InfoG:
https://bit.ly/EpochTimesHK_InfoG
✒️名家專欄:
https://bit.ly/EpochTimesHK_Column