A Cappella版《Jay Fung儀態訓練學院》上架

馮允謙（Jay Fung）早前推出新歌《Jay Fung儀態訓練學院》，身為歌曲的填詞人Wyman黃偉文，坦言在譜寫歌詞時，腦內想到有兩個不同演繹方法，一，歇斯底里式怒火大爆炸，二，camp精式姣屍燉篤版，最終，Jay Fung選擇了前者，最近還發掘出第三個版本，就是a cappella version，更邀請了合共有十位成員的The Kickvoxers一起參與。

今次請來的The Kickvoxers，其中一成員原來就是Jay Fung的唱歌老師：「今次好幸運，就係同一隊a cappella group合作，組合名字叫做The Kickvoxers，佢哋其中一位成員Guddy，佢係我唱歌老師，佢幫咗我好多，由我兩年前第一次喺九展開演唱會，到舊年去紅館開show，我好需要vocal stamina（聲韻耐力），去令自己把聲更強，佢真係幫咗我好多。」

當日拍攝《Jay Fung儀態訓練學院》的a cappella version，在尖沙咀1881取境，現場的陳設走歐陸懷舊風，牆上掛滿多幅油畫，場景與《Jay Fung儀態訓練學院》MV非常類近，有一種互相呼應的感覺，但Jay Fung說，在歌曲的演繹方法上，卻大有不同：「因為我比較少接觸呢個範疇，所以今次係一個好大嘅突破。」

Jay Fung又指，a cappella version版本會的他會cool少少：「其實兩個版本我嘅唱法係有分別，唔知大家有冇留意，原裝版會比較憤怒、激情，但今次a cappella version，因為要配合大家把聲，所以呢個版本會收埋啲，會cool少少，所以頭先拍MV嘅時候都比較cool。但最搞笑係，我記得我喺錄音室錄呢隻歌嘅時候，有一個習慣，我對手會不期然有好多好誇張嘅手部動作，但原來喺鏡頭面前做呢啲動作，會好奇怪，所以剛才唱嘅時候，雙手好想郁，但又要壓制住自己，最終拍咗四、五個take，自己都好滿意，希望大家都鍾意呢個版本。」

問到Jay Fung有沒有考慮試玩a cappella，打算跟誰合作？他想了一想說：「我都想嘗試玩吓a cappella，其實上年十二月，我同另一隊a cappella group有合作過，當然我嘅負擔冇咁重，因為都係專注我主音嘅部份，和音嘅工作交番俾佢哋，所以我都想嘗試，唔知有冇機會，試吓唔唱主音，做吓啲beatbox，雖然我完全唔識，但我聽講釗峰識beatbox，可以搵佢一齊合作吓！」@