馮允謙全新唱片《IN GOOD TIME》今天面世

Jay Fung馮允謙全新唱片《IN GOOD TIME》今天（18日）正式面世，新碟包括5首成功登上不同流行榜冠軍位置的派台主打歌，當中冧爆情歌《收到收到》更獲「大滿貫」，成為五台冠軍歌。除五首主打歌，新碟更有兩首從未曝光的新歌。

馮允謙的新碟由Kenji Wong擔任設計總監，以「時間」為設計概念，由攝影師Tsz操刀拍攝封面及相集。Jay指，新碟《IN GOOD TIME》，中文意思是「好時辰」，提醒大家「跟返自己嘅節奏」：「今次以一個時鐘嘅概念影呢輯相。剛才影相嘅時候有好多人喺度行嚟行去，但我企喺度，望住鏡頭好堅定咁。我對人生outlook，好多時都會跟返自己嘅節奏。呢點好重要，我覺得每個人跟返自己嘅步伐，唔好跟人哋嘅腳步。」

Jay又提到今年在工作上經歷多個「第一次」：「我真係好想講，全部都係好時辰Good Timing！今年我嘅人生發生咗好多事，人生好得意，所有嘢都係『Happen in the right place at the right time』」，並舉例指如第一次回加拿大表演，當上他人導師，以及等了11年的紅館個人演唱會，「有啲嘢唔可以刻意，有時真係啱嘅時間就會發生」。

新碟將於聖誕節期間推出，Jay特別興奮，他說聖誕節是全年最喜愛的節日，可以同家人在一齊，以及充滿工作。他解釋自己「最鍾意工作可以見到好多Fans，聖誕特別多表演就會見到大家。呢個時候出碟亦係最開心，因為係一年嘅總結可以同大家分享，係一份聖誕禮物。」@