MIRROR拍片籲區選投票 網民懷疑「心不甘情不願」

改制後的首屆區議會選舉將於明日（10日）投票，除了政府高官、親共組織和藝人拍片呼籲市民投票之外，ViuTV近日亦播出人氣男團MIRROR呼籲投票的片段。有網民表示驚訝，但亦有人覺得片段表達手法奇怪，反映MIRROR成員「心不甘情不願」，亦「辛苦導演諗到咁交功課」。

ViuTV於電視節目《三分鐘熱度》尾段播出了旗下歌手組合MIRROR、ERROR以及P1X3L的區議會選舉宣傳影片。其中MIRROR的片段最受網民關注，片長約27秒，全體12名成員均有參與出鏡，但約一半成員均沒有個人對白。

旁白先表示：「個個都講緊，記得去投呀！」，MIRROR隊長楊樂文說：「投咗啦！」，陳卓賢再回應：「吓？」，柳應廷表示：「吓，投佢咩？我投咗佢喎！」

盧瀚霆接著稱「吓？」，王智德問：「唔係投佢咩？」，邱士縉向姜濤說：「你出句聲啦！我實撐你㗎！」姜濤回應：「但係投咗俾『光B』（尹光）喎！」

最後，旁白君表示：「全部都九唔搭八，我係講緊區議會選舉，12月10號，記得投票呀！」鏡頭再影著MIRROR全體成員，他們表示：「記得呀！」

片段一出，隨即引起網絡熱話。有網民指MIRROR成員於片中均沒有直接提及「區議會」字眼，只是由旁白直接呼籲區選投票。有網民覺得片段表達手法奇怪，像「KK園綁架片」，MIRROR成員「心不甘情不願」、「hea做交行貨」，亦「辛苦導演諗到咁交功課」。

另外，有網民指出在另一男團ERROR的區議會選舉宣傳片，郭嘉駿明顯心不在焉，沒有望向鏡頭。@

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

MIRROR拍片籲區選投票網民懷疑「心不甘情不願」