情緒病者的告白（一）｜與抑鬱症共存 E小姐：我想大家當我正常人｜大紀元時報香港

歌手李玟CoCo因抑鬱症輕生，送院後搶救不治，她的離世令大眾再次關注情緒病—一種看不見，但隨時致命的病魔。本報找來病患者跟大家告白，冀社會大眾對情緒病多點了解。

諱疾忌醫「睇精神科醫生？啲人就當你黐線」

E小姐（化名）看來跟一般人無異，愛運動、愛曬太陽、愛笑、愛跟朋友一起活動的女生，別人眼中的她是「好打得嘅女強人」，但原來她是已患病逾八年的中度抑鬱及輕度焦慮症患者。當時因為暴瘦、嘔吐、嚴重失眠、情緒起伏大等等問題，曾向不同醫生求醫，腸胃科、耳鼻喉科、中醫、針灸……但一直未能找到病因。

求醫可說是經過多番爭扎，「睇精神科醫生？啲人當你黐線」，直白一點講，就是諱疾忌醫。直至感到病情越趨惡化，才迫不得已「越過」這個心理關口，向精神科醫生求醫，被診斷為中度抑鬱及輕度焦慮症患者，需要長期服藥控制病情，「醫生話我個情況比較特殊，一病發就會去到最惡劣，講到絕症咁，所以我就要一直食藥」。

大眾不太接納情緒病患者「努力扮咩事都冇」

E小姐說除了家人外，只有很少朋友知道自己的狀況，因為很多人對抑鬱症的認知為「諗埋一邊」。她曾經向家人訴苦，然後換來的只是「唔好唔開心啦」又或者是一些不理解的說話，「大把人慘過你、做人開心啲咪冇事囉，呢啲聽完仲衰」；有時又擔心將負能量帶給親朋戚友，亦有一些已經認為你「黐線、唔正常」，甚至要花時間去解釋自己的情況，久而久之E小姐選擇「掩飾」，「我咪努力喺大家面前扮咩事都冇」。

「個個都話有抑鬱，但點解我就要成世食藥，啲人可能幾個月就好返？」E小姐一直不解，亦害怕被標籤，惟有將這件事變成了秘密，「其實成個過程都幾單打獨鬥，冇人幫到你，或者係唔知點幫你」。E小姐開設了一個IG社交平台，原本是將之當是一個「樹窿」，好讓自己發洩情緒，其後開始將自己患病、抗病、治療等等的心路歷程寫下來，跟「同路人」分享，「其實我想同一班病友講，你們並不孤單，然後發現原來好多人都同我有一樣嘅經歷。」

Ｅ小姐開設社交平台，原本是將之當是一個「樹窿」，好讓自己發洩情緒。（受訪者提供圖片)

話雖如此，但至今時今日，E小姐對自己「患者」的身份仍有所忌諱。她是「政府認可殘疾人士」，即「搭兩蚊車」，她跟記者表示，其實內心爭扎很久，因為每一次「嘟」的時候，都擔心別人的眼光，「嘩大人大姐搭兩蚊車，啲人嘅眼光唔係覺得你呃車錢就係唔知你有咩暗病，然後又驚俾人查飛」。那是否自己也有一點「自我歧視」？「小小啦」。

精神科藥物副作用多不勝數「比死更難受」

患病八年，E小姐至今仍需要服用抗抑鬱藥物，按需要配上不同的鎮靜劑、安眠藥、血清素等等，最高峰時期每日要服食六至七種藥物，E小姐提供給記者的一張相片顯示，整個大櫃都是精神科藥物。

Ｅ小姐的櫃裡通通都是精神科藥物，她指這只是一部份。（受訪者提供圖片)

精神科藥物所帶來的副作用亦多不勝數，長期頭暈頭痛耳鳴、睡眠及飲食失調已經是家常便飯，記憶力及集中力衰退、有時心跳過快或心律不正、呼吸困難、皮膚潰爛、手震和出汗等等；就算是加減藥物或者停藥都會有斷藥反應。E小姐坦言，初初服食的時候，身體很難適應，「副作用令我每日都好痛苦，係比死更難受，唔少次係辛苦到喊，真係唔想食藥，但唔食出現斷藥反應又係好辛苦，食又死唔食又食，咁不如死咗佢算」，這些都是外人很難明白的。

Ｅ小姐高峰時期每日要服食六七種藥物。（受訪者提供圖片)

「公立醫院等幾個鐘睇幾分鐘」醫生難了解病人情況

自從患病後，E小姐「見識」到情緒病有多恐怖，「因為原來一病發起嚟，真係好多嘢都控制唔到，呢個病你以為只係唔開心，但其實係會隨時攞你命」。她曾因病情惡化，一度要入院治療，講白一點，就是輕生，幸好E小姐在鬼門關走出來。她其後再被轉介至聯合醫院精神科長期覆診，「但其實我到今時今日都唔知個醫生叫咩名」，她指每次候診都要兩至三個小時，但到診症的時候只有短短幾分鐘，「醫生其實連望我嘅時間都冇乜，所以我都唔EXPECT（預料）佢了解到啲咩病情」。她指最後公立醫生還是跟回私家醫生所開的處方草草了事。

到今天E小姐仍然未康復，病情會不時復發，她只能盡力減少病發的次數，「做多啲運動、吸收吓維他命D」。但幸好E小姐有明白她的朋友可以分享，當病發時朋友們會給她一點安慰、關心和支持，「唔需要特別優待，當我正常人咁看待，其實咁樣嘅支持已經好足夠」。不過她亦希望大眾能對情緒病患者多點理解，讓他們不再掩飾病情、不再諱疾忌醫。@