黃鴨｜另一半返嚟啦！直擊「扁皮鴨」被泵脹一刻｜大紀元時報香港

巨型黃色「橡皮鴨」相隔十年再度訪港，今次更是「打孖嚟」，但其中一隻黃鴨在上周六（10日）的首天展出中，因為天氣炎熱氣壓上升，以致「鴨皮」繃緊，即時作出排氣及相應措施避免潛在風險，變成「扁皮鴨」，並安排船隻運回船廠修補。

「扁皮鴨」在青衣船廠逗留一天，經過反覆測試後，今早由躉船運返添馬公園對開，跟另一半重聚。工作人員先將「扁皮鴨」用吊臂放到海上，再用繩索及鐵鏈固定後，經過約45分鐘，「扁皮鴨」終於被泵脹，大家又可以見到它們成雙成對了。泵氣過程有點搞笑，「扁皮鴨」被吊起鴨頭充氣時，令人聯想起LINE FRIENDS中小雞角色SALLY的樣子。

不過大家探望孖鴨時要留意天氣狀況，除天氣炎熱小心曝曬外，主辦單位表示，未來數日天氣仍不穩定，團隊都會盡最大努力守護橡皮鴨，希望社會大眾一起集氣支持，為橡皮鴨及團隊打氣。@