日前有消息指，港台口頭通知屬下DJ有關「十大禁播」歌手名單，當中包括C AllStar及許廷鏗。C AllStar（26日）昨日出席活動時回應，表示傳言未證實之前不會去想。出席同一活動的許廷鏗則表示，現階段未能證實消息，希望有不同的平台。
香港電台月初與無綫電視宣布，將首度合辦《香港金曲頒獎典禮2021/2022》。但1月25日卻傳出，港台口頭通知屬下DJ有關「十大禁播」歌手名單，包括黃耀明、何韻詩、RubberBand、C AllStar、達明一派、Dear Jane、方皓玟、Serrini、謝安琪和許廷鏗（Alfred），除了宣傳與TVB即將合辦的香港金曲頒獎禮入圍歌曲選段外，他們的新歌舊歌一律禁播。
C AllStar昨日出席活動時表示，有留意此新聞。「暫時呢件事係傳言，冇乜特別嘢回應。我哋做音樂，係做好本分，冇特別計算唔同媒體嘅支持度係點樣。」
他們亦表示，公司正在「了解中」，之後再看事態發展。「始終係傳言，等佢繼續傳吓先，假設性問題就唔特別去答，我哋會做好自己嘅。」至於會否出席《香港金曲頒獎典禮》，就要等公司了解後做安排。
提到C AllStar與港台淵源，他們坦言，「老實講，如果講港台，其實以往支持度都好高，印象中我哋做新人，喺港台（頒獎禮）有新人獎同十大中文金曲，嗰時好開心，新人時得到媒體認可，係好開心嘅。」
成員之一的梁釗峰表示，會留意團歌在各大電台的表現：「有歌曲喺電台播得好好，我哋都好appreciate。以港台為例，上年都有兩首冠軍歌，分別係《集合吧！地球保衛隊》同《留下來的人》。」他感謝新人階段曾得到港台的支持，以往亦多次參與港台頒獎禮，不願相信今次傳聞是真的。
許廷鏗：歌手需要平台 平台一樣需要歌手
許廷鏗（Alfred）則直言，現階段未能證實消息：「就算係真，對我嚟講冇咩大分別。」
他坦言，自己一直有個諗法，尤其自組公司後這個想法就更加強烈。「歌手需要平台，平台一樣需要歌手。」他認為，唯一可以主動去做的就是「繼續做好自己作品，希望可以有唔同平台播放」。他表示，無甚擔心，相信做好自己，歌迷自會留意到。他亦希望關心他的朋友能夠安心。
Alfred續說，「又唔係情感瓜葛、恩恩怨怨嘅事，我同唔同平台嘅關係咁多年，可以睇下我做過幾多個港台大使，呢樣係唔會改變。」
「一日未收到官方通知唔使send歌過去，我都係會照send，呢樣係不變，作為歌手，盡自己能力就得。」他並表示會專注自己音樂的本質。@
------------------
請訂閱新官方YouTube頻道：
https://bit.ly/2XxPrsd
✅立即支持訂閱：
https://hk.epochtimes.com/subscribe
✅直接贊助大紀元：“”“”“”“”“
https://www.epochtimeshk.org/sponsors
✅成為我們的Patron：
https://www.patreon.com/epochtimeshk
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
