各位觀眾，大家好，今天是 3 月 11 號，星期四，歡迎收看紀元頭條。我係雪兒。

時至今日，中國嘅國花仍然空位待定。兩會期間，全國人大代表、洛陽博物館名譽館長王繡連續4年建議將牡丹確定為國花。呢個提案即刻引爆網絡嘅國花之爭。

有網友話：「牡丹嘅富貴顯得過於粗俗，建議係梅花，荷花，蘭花裏面選，呢D都係自古以來表達高潔嘅代表。」

仲有網友力荐韭菜花，話「青翠爽口嘅韭菜花，上截被收割後，下半截還可以再長，可謂：取之不盡，長割常有。」

韭菜花很快得到眾多網友嘅認可，話「符合當前嘅民情，接地氣！」

不過亦有網友反對，話「依家嘅韭菜等唔到開花就俾人割左，韭菜花唔吉利，建議用：翠花。」

當下，割韭菜嘅民情似乎延燒到左中南海。中共兩會進入尾聲之際，激烈嘅權鬥被擺上左檯面，收割目標指向總理李克強。

11號中共兩會將閉幕，全國人大正係度審議嘅《組織法（修正草案）》，提出人大常委會可以決定副總理等國務院其他組成人員嘅任免。有學者認為，呢個意味住李克強嘅權力將被進一步削弱，甚至被架空，副總理更係命運難料。

全國人大副委員長王晨5號係大會開幕禮上面話，人大常委會係全國人大閉會期間，根據國務院總理嘅提名，可以決定國務院其他組成人員嘅任免；亦可以根據中央軍事委員會主席嘅提名，決定軍委會其他組成人員嘅任免。仲可以決定撤銷國務院其他個別組成人員嘅職務，決定撤銷中央軍事委員會其他個別組成人員嘅職務。

自由亞洲電台援引山西憲政學者王志強嘅分析話，草案一旦被通過，總理李克強嘅行政權力被削弱。甚至完全被架空，本來中共黨同政府兩套班子各有職權，依家都統一到黨嘅領導班子下面。李克強本來就已經唔實權，咁樣一搞就更加無乜嘢權力了。

時事評論員桑普向《蘋果日報》分析話，呢次係人大組織法係1982年重新制定後，30多年來嘅首次修改，目的係針對國務院副總理、國務委員、中央軍委副主席同埋軍委委員嘅任免。

桑普話，呢D人全部可能係人大休會期間，俾人大常委會罷免。而人大常委會每月開一次會，根據情況，仲可以隨時加開，令中共能夠機動咁任免或者撤銷有關人員嘅職位。

桑普認為，呢次修改草案要同出年二十大高層換屆嘅大背景配合觀察，習近平希望永遠執政，形容此舉係係度「洗太平地」，並打算係呢個時期將所有可能出現嘅反習勢力，通通消滅於萌芽狀態。

至於係咪代表領導層即將會有人事變動，桑普認為，呢個相當有可能發生，尤其是國務院副總理，包括被喻為「團派」嘅胡春華，以及「上海幫」出身嘅韓正，兩人好可能會係呢個時侯被拉下台。

歷屆兩會上，總會留低令民眾開心嘅搞笑花絮。今年兩會期間，中共嘅「台灣籍人大代表」蔡培輝話好多港澳台青年都想係大陸從軍，引發網友嘲笑，佢嘅身分亦被拆穿。

蔡培輝係香港富麗國際集團董事局主席，3月7日佢係接受中共媒體採訪嘅時侯話，好多港澳台青年都想去大陸從軍；仲話自己祖籍台南，細個嘅時候係福建省泉州市長大，曾參加過中越戰爭並立過戰功。

台灣立委羅致政化：「果 D 話唔係講俾台灣人聽嘅，係講俾中國內部自己聽嘅，台灣人一聽，就知道係講大話，果D只係為左內宣需要，所講出來嘅言論。」

有關蔡培輝「參加過中越戰爭」嘅講法亦隨即被拆穿。公開資料顯示，蔡培輝 1963 年出生，1979年中越戰爭時只有16歲。

此外據了解，呢屆全國人大「台灣籍代表」共有13人，被稱為係最尷尬嘅中共人大代表。因為呢13人中有12人都係系大陸生長，只有陳雲英系台灣出生，但佢嘅丈夫係金門叛逃軍官林毅夫，台灣國防部已經向佢發布左永久通緝令。

有網友發推文話：「佢地（中共嘅台灣人大代表）嘅祖國，如果係中共國，邊有資格當台灣代表？如果佢地出生係中華民國，咁就係漢奸！」

中共病毒重創大陸經濟，失業人數飆升。為緩解城市壓力，中共當局大力呼籲大學畢業生去農村「創業」。天津一名大學生「響應號召」後，但就發現官方事前嘅承諾都無兌現。

據美國之音9日嘅報導，天津一名姓何嘅名牌大學畢業生聽信左官方嘅宣傳，放棄左父母係天津為他安排嘅國企工作，「響應號召」到農村去「鍛鍊自己」，以為可以 「大有作為」。但係當何先生如願「落戶」農村後，就發現官方承諾嘅都無被兌現。

何先生披露，好似佢咁樣嘅一批有高學歷嘅青年下鄉之後，鄉政府並無將佢地安排到政府最初用來吸引佢地嘅工作崗位上，而係好似普通職工一樣，被放到各個政府部門去完成一D簡單嘅工作。官方事先許諾嘅政府補貼同良好嘅配套條件都未兌現。

佢話：「我地嘅工資同待遇唔係好高，可能會比普通嘅公務員都差一截，無話因為針對我地嘅崗位有一D特殊嘅補助，無，我地依家嘅待遇只能勉強維持我地嘅正常生活。」

近期，一段封存五年嘅調查錄音被公開發表，揭露多年來係中共軍隊主導嘅活摘人體器官嘅罪行。

為保護知情人，海外追查迫害法輪功國際組織（追查國際）3月7日，先至公布呢段係2015年6月29日進行嘅電話調查錄音，調查對象係中共解放軍某三甲醫院嘅軍醫。

呢位軍醫係電話裏面話，石炳毅同周邊縣市法院關係都好好，「呢個人好厲害，能拉到法院嘅人，能夠拎到肝源、腎源、心臟、肺臟。能夠拎到呢D人體器官嘅，都係不得了！」

公開資料顯示，2002年4月，石炳毅中共解放軍總醫院第八醫學中心成立器官移植中心主任。呢個時醫院已完成左 2130 宗嘅腎臟移植，肝移植近600宗。

軍醫對追查國際調查人員話：「石炳毅呢個人技術好差好差！他做嘅呢 D 移植臟器，都係請外面嘅人來做，做左之後，死左嘅好多！做死左之後，醫院賠錢。唔死得嘅都係佢嘅功勞。」

爆料軍醫仲講到石炳毅同中共前衛生部副部長黃潔夫。軍醫話：「黃潔夫同佢（石炳毅）都係一丘之貉，相互勾結，關係密切，都有利益鏈，都有利益關係。」

軍醫指出：「呢個國家要組織查啊！（石炳毅）做左一千五百多宗，你呢1千5百例到底去左邊？」

大陸《南方週末》曾報導，「2000年係中國器官移植嘅分水嶺。2000年全國肝移植比1999年翻左10倍，2005年又翻左3倍。」

1999年、2000年，呢個時間點同中共迫害法輪功嘅時間相吻合。1999年7月20日，中共時任黨魁江澤民下令對法輪功發動滅絕性打壓。

加拿大人權律師喬高同麥塔斯調查證實，中國嘅地方醫院，軍隊醫院進行移植手術嘅器官大多來自關押中嘅法輪功學員，中國嘅醫院有系統咁對法輪功學員進行活體摘取器官，謀利。

星期二，美國國務院再次表態支持特朗普政府認定中共係新疆犯下種族滅絕罪嘅決定，並繼續尋求國際支持，迫使中共承擔罪責。

美國國務院發言人普萊斯話：「如你所言，蓬佩奧（前）國務卿同佢嘅繼任者布林肯國務卿，都已經得出左新疆發生種族滅絕嘅判斷，我地絕對支持呢個判斷。事實上，仲有更多嘅報告，甚至今日就會出來，詳細論述對新疆所發生事情嘅指控。」

普萊斯強調，認定中共係新疆犯下種族滅絕嘅罪行，係十分關鍵嘅行動，強調左當前面對嘅緊迫事項。

普萊斯話：「佢強調左利害關係，我地正係度尋求激勵國際社會，係世界各地志同道合嘅夥伴同盟友，向北京（中共）明確表明，要爲呢些暴行、種族滅絕同種種不可容忍嘅行爲，承擔後果。」

同一日，美國國務院仲宣佈，對兩名伊朗伊斯蘭革命衛隊嘅官員實施制裁，呢兩名伊朗軍官被控係過去兩年嘅民間抗議活動中，參與侵犯人權。

新聞未完架，之後嘅新聞，包括：拜登記唔起防長名字 外界擔憂健康影響執政能力；愛荷華州打響第一槍 終止大規模郵寄投票；拜登上台引爆移民潮 特朗普：美國正左被摧毀；蓬佩奧卸任後期待首次訪問台灣，會係 patreon 度播，大家快 D 去 patreon ，「撐雪兒」或者「勁撐雪兒」啦，patreon 見。@

------------------

📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column