平安夜那天下午到銀行，辦理服務後，便問相熟的職員：「今晚去邊度威？」他說：「平安夜好危險喎，這裏已變成妖獸城市，特別D靚仔靚女，著件黑衫，戴上口罩，分分鐘比無證件的人查，比人形object拉，甚至比外來物種打。我咁後生靚仔，都係翻自己星球好D。」我笑說：「咁靚仔，比人扑濕爆光就唔好啦。祝你和女友聖誕快樂，好人平安，壞人遲早當殃。」和相熟的職員吹水後，打算行街購物，享受節日氣氛。
約了朋友9時到太子晚飯，時間太多，先到銅鑼灣逛崇光，購物後走回地面，便遇上一隊防暴，而路邊更泊了數部警車，似乎又如臨大敵。心想平安夜都好難平安，便搭地鐵過九龍，閒逛廟街。到了廟街，行近油麻地，又遇到一隊防暴，雖然早習以為常，但過時過節，都希望輕鬆渡過，便離開街道，行入永安。享受完購物樂趣，大概也差不多到約定時間，便慢慢步行到太子，沿途感受市面氣氛，再和朋友晚飯。
有位朋友說：「在香港這麼多年過聖誕，從未感覺so bad so sad，坐在酒樓，看著新聞，又是些負面的景象。年輕人不經思考隨意破壞，試問香港何時才可復原？即使我理解同情他們的行為，甚至擔心他們承受的結果，但能夠勸阻嗎？有公權力的是不會手軟，真擔心他們所受到的傷害。」另一位說：「每天聽廢話已經聽到火都嚟，其身不正，難怪有過激行為。甚麼衝突借歪，一早已歪更不必借，那些人自覺完美，唔怕報應，當然可以繼續。但好壞善惡，天知地知，因果報應，降臨就知。口頭禮貌，行動挑釁，大家看看鏡頭便知。所以這個世界，可靠的，永遠都是做出來的事，而不是說出來的話！」
有位又說：「聖誕節，應該普天同慶，你地就唔好咁㷫啦。講個笑話，幾啱現在的充公財物！話說劉備治蜀，天旱，為了節約用水，祈福求雨，下令不淮人民私自釀酒。官史借執行命令，隨便在老百姓家中搜出酒器，即使沒有釀酒，也要處罰。輕則罰金，重則坐牢。人民有寃無路訴，以至民怨四起，亂象叢生。一日，劉備的妻舅簡雍和他出行，便借故對劉備說：「前面那對狗男女正準備姦淫，必須送官法辦。」劉備說：「你怎知？沒有證據，怎可亂辦？」簡雍說：「他們身上都有姦淫的工具呀！」劉備好似聖誕老人咁嗬嗬嗬大笑三聲說：「我明啦，快些釋放被捕擁有釀酒器具的人。」所以，亂咁嚟，有錢人或外資怎會不走佬？靠得住，靠唔住，就自己諗啦！」
聽了這故事，能不悲哀嗎？大家身上除了都有淫具，家中還有各種器具，不依法制，不講理據，不求證據，就隨便亂辦，怎不亂象叢生？三國，有劉備這明主，亂象立止。香港，大家都只是想某些人過主，卻沒法做主！不完美，不能接受，也許解釋了為何仍然有這麼多人上街引發衝突，官民警民都充滿「過節」，而且越陷越深，試問怎能開心過節？◇
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
