地中海藜麥沙律配胡麻醬、車打芝士汁鮮蝦意粉、芝士薯條、焦糖巧克力起司蛋糕，特飲夏天的尾巴同latte。
地中海藜麥沙律配胡麻醬、車打芝士汁鮮蝦意粉、芝士薯條、焦糖巧克力起司蛋糕，特飲夏天的尾巴同latte。

將軍澳有約40萬人生活，因應人口密集當然餐廳就多咗好多，但住將軍澳嘅好友話當區嘅人多到爆燈，搵食艱難，周圍嘅食肆經常都排長龍，好慘咁話。等我今次就介紹返間喺坑口附近，環境舒服、食物質素都唔錯，而且唔需要排長龍嘅特色餐廳畀大家啦！

嚟到將軍澳單車館裏面嘅牧羊少年咖啡館，餐廳面積大、樓底高、座位又闊落，枱與枱之間有一段距離，好有空間感唔擠迫，近窗嘅坐位仲係落地玻璃添，望出去就係水池同公園，景緻唔錯又光猛。café裝修簡潔明亮，牆上面重有藝術畫同裝飾都幾特色㗎！

café餐廳面積大、樓底高、座位又闊落，枱與枱之間有一段距離，好有空間感唔擠迫。
café餐廳面積大、樓底高、座位又闊落，枱與枱之間有一段距離，好有空間感唔擠迫。

café裝修簡潔明亮，牆上面重有藝術畫同裝飾都幾特色㗎。
café裝修簡潔明亮，牆上面重有藝術畫同裝飾都幾特色㗎。

餐廳係半自助形式，先畀錢然後攞住號碼牌返埋位，等食物做好侍應就會攞上來，餐具同醬汁都係自助㗎！

我去到大約三點鐘，剛好係下午茶時間，我點咗兩個午餐再加兩個tea set，午餐係地中海藜麥沙律配胡麻醬、車打芝士汁鮮蝦意粉。tea set點咗芝士薯條同埋焦糖朱古力cheesecake，重試咗佢一杯叫夏天的尾巴嘅特飲，同洋甘菊花茶。

先上嚟嘅竟然係芝士薯條，薯條上面鋪滿半溶芝士但我仍然狂加芝士粉，薯條炸得金黃但唔會過乾，入口軟軟地食到薯蓉喺薯條裏面，好食！即使後來放凍咗都唔會變硬，大家都知道薯條變硬咗好難食㗎嘛！所以真係唔錯！

芝士薯條。
芝士薯條。

跟住上嚟嘅係地中海藜麥沙律，蔬菜幾新鮮藜麥同幾片比得包就略嫌偏硬。

地中海藜麥沙律配胡麻醬。
地中海藜麥沙律配胡麻醬。

車打芝士汁鮮蝦意粉好濃沃嘅芝士香，鮮蝦唔大隻但爽口，意粉份量都幾多，意粉要快食否則凍咗芝士就會漿住啲意粉㗎喇！

車打芝士汁鮮蝦意粉。
車打芝士汁鮮蝦意粉。

滿心期待嘅焦糖朱古力cheesecake反而就普普通通，杯特飲冇伏有清新嘅水果甜香，花茶都唔錯。

焦糖朱古力cheesecake。
焦糖朱古力cheesecake。

凍Latte（左）同特飲「夏天的尾巴」。
凍Latte（左）同特飲「夏天的尾巴」。

呢間café喺單車館裏面，喺咁炎熱嘅夏天又一個好選擇，喺呢個café裏面真係可以坐一個悠閒嘅下午，而且我留意到館裏面仲有個兒童遊樂場，即使帶著小朋友都冇問題，仲可以親子活動添，大人細路都可以各有各精彩㗎！◇

牧羊少年咖啡館
地址：將軍澳寶康路105-107號香港單車館地下G53號舖

米芝Gi鍾意飲飲食食，對食物質素絕對有要求， 食勻港九新界大小特色餐廳、街頭特色小食；對於市面上嘅新事物，不講論健康生活，扮靚潮流資訊佢都會留意去嘗試，有好嘢正嘢筍嘢鍾意開心share，係地道港女一名！ 依家佢藉機會將愛好分享畀大家。如有好嘢正嘢想同米芝Gi分享，或者查詢及反饋，請email：micgigidjy@gmail.com

----------------------
🎯 專題：中共海外升級攻擊法輪功
https://hk.epochtimes.com/category/專題/中共海外升級攻擊法輪功
----------------------
【不忘初衷 延續真相】
📰周末版復印 支持購買👇🏻
http://epochtimeshk.org/stores

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand