iPhone 18開賣｜先達商戶指價格太浮動 料炒風難持續

蘋果 iPhone 18 系列昨（18日）開賣，大批炒家到旺角先達廣場放機。有手機交易店表示，全日收機數目是「3,000內」，認為收機情況異常踴躍，但價格太浮動「啲機收完賣唔切」，坦言「都要輸錢啦」；但是因為設計缺乏新意，認為炒風難持續。

先達廣場「萬通電訊」負責人吳先生昨天受訪說，昨天人流多過去年 iPhone 17 系列推出時，認為同 iPhone 17 「有得炒」，令很多人訂 iPhone 18 放售有關。

昨天 iPhone 18 系列價格浮動，吳說Pro Max表現比較好，最高收購價比原價多近2,800元，但「最低曾經試過加500蚊」。但是Pro就「低過原價一兩百（元），或者高過原價兩百上落」，認為價格太浮動，不符預期，「啲機收完賣唔切，都要輸錢啦。因為多咗啲人放一TB同兩TB落嚟，但賣得慢，因為始終價錢太貴啦，差唔多兩萬蚊一隻電話，有啲貴」，認為同蘋果加價有個直接關係。他之後補充，18日當天最多可能「平手賺少少」，「一隻機一萬蚊，我哋賺一百蚊好兩百蚊好，但一個跌價，跌咗五百至一千蚊嘅，你諗下買幾多隻機cover（彌補）返一隻機嘅跌價？」

吳先生料今次炒機熱潮不會維持太久，「可能一個禮拜之後都玩完」，每日蘋果會再出貨，亦有人去買機再放出，「如果啲客戶承受唔到個價錢，一路跌，咁就玩完啦個炒機炒風」。他憶述，去年炒機熱潮延續整年，「有啲人計埋啲回贈都仲有錢賺，有人放機落嚟」，炒高價格熱潮，去年則維持差不多四、五個月；但今年「麻麻哋啦」，因為去年 iPhone 17 的款式轉變，鏡頭橫切面向橫，但 iPhone 18 系列採沿用 iPhone 17 的設計，缺乏新意，「今日第一日啲細機已經要原價（放售），大機都唔會太睇好㗎啦」，並指「你夾硬揀改粒CPU其實冇乜用㗎，啲人唔會追求快咗幾多個percent（百分比）去換機」，又認為 iPhone 拍攝功能比坊間其它牌子比較，不屬於有優勢，只是拍照、剪輯比較方便，一般市民亦不會認為可調校光圈是特別。

吳說，期望 iPhone Duo「摺機」推出，認為很多人均期待。@