民主黨將在下月改選領導層，黨主席羅健熙昨日在一個網台節目指，多位中委、其家人或任職的公司遭不明信息滋擾。他今早在一個商台節目形容是「奇怪」，關注滋擾者如何取得相關不公開的資料，並懷疑可能是政府資料庫資料外洩。
羅健熙今早指，對於多名現屆中委、其家人及任職的公司收到滋擾信息，認為是「奇怪」，因為家人資料一般不公開。
至於信息的內容，羅健熙說：「例如俾中委任職嘅公司或者中委家人任職嘅公司，你個員工係邊個邊個，就同民主黨係核心成員啦，佢又做咗好多『破壞香港』、『反中亂港』，類似咁嘅嘢」。
他強調香港是國際大都會，「講我哋好多元，講一國兩制，咁點解一個政黨、我哋改選，會受到一啲咁嘅『關心』、『問候』、滋擾呢？」被問到是否有人因此被解僱，羅健熙指不便透露。
不過羅又指，沒有成員因滋擾訊息而不參選，「你咁樣來騷擾我哋，反而更加覺得一定要撐落去，香港唔應該係咁樣」。
被問到有否就事件報警，羅健熙指至今未聽聞，主要是因為相關信息未達恐嚇程度，沒有人身安全的威脅，「你話滋擾，報警都唔知報啲乜」。他亦認為民主黨遭滋擾與記協早前指有記者遭滋擾的手法類似，「懷疑係同一班人做啲事情」。
另外，羅健熙關注滋擾者如何獲得黨友及他們家人的個人資料，懷疑是政府部門資料庫外洩，「我唔係話政府裡面有啲咩人流出來，可能係黑客黑咗入去都未定」；又指不排除民主黨成員的手機遭入侵，「可能已經hack晒我哋所有人嘅電話，所以屋企人電話（號碼）一定會有啦，再按圖索驥搵到公司等等，都有機會」。
上周六晚宴疑遭監視及偷拍
另外，民主黨上周六成功舉行30周年晚宴，據悉今次晚宴此前兩次預訂都被臨時取消，其中一間酒樓的取消理由是「廚師打架」。羅健熙今早形容拒絕的原因有創意，並指今次與民主黨過去幾次的晚宴類似，「我哋嘗試去book枱，book完枱之後有壓力啦應該，然後就要取消，最後只能夠walk-in去一啲餐廳」。
他又指，即使成功舉行晚宴，亦懷疑遭人監視，「我哋唔知乜人，總之我哋出出入入，佢哋就望住晒，耐唔中攞部電話影下你」。@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
