歌手周慧敏（Vivian）上周六（31日）於澳門舉行《地老天荒愛一場世界巡迴演唱會》首站演出，並且宣布今次將會是她最後一次舉行個人大型演唱會，未來將會專注照顧自己的身體和家庭，但強調仍會保持工作。

在上周六的演唱會，Vivian以《自作多情》等多首快歌為演唱會揭開序幕，雖然「玉女掌門人」已經56歲，但依然狀態大勇，全場邊跳邊唱。Vivian表示，今次演唱會令她感到像回到30年前，自己舉行首個演唱會《美的化身演唱會》的時候，現在入場的觀眾不單止有80後，亦有90甚至00後，她表示過去30年發生了許多意想不到的事，沒想過30年後仍然能夠站上舞台。

Vivian在演唱會之中有多次分享時間，大談自己的人生經歷和感悟：「2009年，我成為咗人妻， 同年因為信仰，我多咗個天父爸爸。呢年係我人生轉捩點，我將自己一套普世價值嘅生存之道放低，一步步拆毀自己嘅強悍，將個『我』字縮細，發覺好多嘢都唔同咗，特別我哋做藝人，好多時人哋將我哋放到好大，我覺得唔係一件好事，放低『我』字反而睇到自己好多不足，執著放低，誠實面對自己，我學識接受自己有好糟糕嘅時侯，有好軟弱時候，順服於我所有境遇之中，我開始發現，一直係我頭上面嗰個光環，冇能力再綑綁我啦！我喺裏面被釋放出嚟，得到真正嘅自由，所以我唔係女神，不過係一粒好細嘅鹽，有時會發下光嘅阿V，好嗎？」

唱畢名曲《如果你知我苦衷》後，Vivian表示，人生中出現過許多「天使」，包括曾經為她寫歌的張國榮：「我生命中有好多天使，剛剛唱完嘅《如果你知我苦哀》係Leslie（張國榮）寫畀我，佢都係我一個肩上天使，扶持過我嘅前輩，我永遠感激佢。你哋都係我天使，無論高低，多謝你哋都守護我。」

Vivian今次請來黃劍文擔任嘉賓，兩人合唱了《流言》、《情未了》和《知己》3首歌。當晚她更首次在台上作鋼琴演奏，彈奏了貝多芬《月光奏鳴曲：第一樂章》，Vivian表示，自己在2022年的聖誕節錄了自己第一首鋼琴演奏曲，她自言自己琴技「唔叻」，假如沒有自己的舞台的話，很難可以公開演奏，因此希望借今次機會彈奏一曲。

在演唱會尾聲，Vivian投下震撼彈，宣布未來不會再舉行個人大型演唱會：「其實今次巡演同自己講，搵最純綷心表演，為愛我的人唱歌 ，人生去到唔同階段，追求需要都係會有好大改變。今次這個巡演，的確係每一場都是倒數時間。今次應該係我最後一次個人大型演唱會啦！」不少歌迷都感到不惜，並大呼「唔好呀！」

Vivian表示，希望未來有更多時間照顧自己和家庭，但強調自己並非告別幕前，未來仍會繼續工作：「因為我覺得時侯差不多啦，要專注自己照顧自己身體，照顧我家庭，貓仔都唔細啦...我想多啲時間陪貓仔，同先生希望有更多共處時間。我係唔會唔工作，只係想有多啲時間調節自己。時間好快，錯過咗就錯過咗啦，好似今晚咁，好快就過，已經演唱會尾聲啦，要唱最後一首歌，我好想聽到大家，大大聲一齊唱《最愛》。」在之後的Encore環節，Vivian再唱了多首歌曲，最後以《天荒愛未老》一曲作結。@

------------------

🗞️9.17暫別實體 立即預購
https://bit.ly/buybyepaper

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand