近年先後誕下3子並淡出娛樂圈的鍾嘉欣最近復出，她今（22日）出席宣傳活動時透露，將於下月在廣州舉行個人演唱會，而門票已經火速售罄。她表示自己已經「Out咗10年」，對演唱會的反應如此熱烈感到十分意外，希望到時能夠以最佳狀態演出。
鍾嘉欣近年專注家庭生活，她透露早前與家人去了3個星期郵輪旅遊，慶祝老爺的80大壽。她透露今次家庭旅行已經籌備了一年，算是完成了老爺的心願。鍾嘉欣表示自己和丈夫在整個行程都忙著照顧3個小朋友，不過仍遊覽了許多景點，開了許多眼界。
鍾嘉欣表示自己在旅行期間增磅不少，由於8月就要舉行演唱會，因此現時需要積極操練。談及今次復出和舉行演唱會，鍾嘉欣坦言曾經擔心外界反應冷淡，但結果郤出乎意料：「我係好怯，喺未賣飛之前，我心諗『死啦，我好似已經Out咗成10年，究竟有冇人嚟㗎？』當時真係好驚唔係講笑。但到咗出嚟之後，竟然一秒賣晒，嗰吓自己都唔敢相信。」
她又表示，希望借今次演唱會回歸幕前，並且彌補多年來的遺憾：「由結婚開始有啲傷心，傷心唔係因為結婚，係突然消失，作為粉絲嘅偶像，我突然走咗佢哋會唔開心，所以我上返台，做好佢，同大家一齊回憶。」鍾嘉欣表示未來希望接觸各類型不同工作，不論是主持、舞台劇、以及各種不同角色，她期望可以巡迴演唱，並且在香港進行演出。@
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
