鄭秀文製水泡餅頸鏈送鄧麗欣

鄭秀文（Sammi）昨（19日）晚的第六場演唱會，請鄧麗欣（Stephy）任表演嘉賓，Sammi換新裝穿著Robert Wun Couture特別訂造的紫色長裙，合唱《默契》。

雖然工作上幾乎沒有交流，但私下卻經常IG私訊分享飲食喜好。Sammi更為Stephy親手製作的水泡餅頸鏈作為禮物，說：「兩個都鍾意食啲又脆又乾嘅嘢，又唔中意飲水，濕嘅嘢、有汁嘅嘢我唔中意」。

Sammi打開禮物盒時，Stephy先睹為快大呼「嘩！呢個真係不得了！」Sammi還即場替Stephy戴上，說：「係咪好有心思？我親手揀、親手串，搞成晚架啦！」Stephy更打趣說：「中間有窿嗰啲特別正！」。

Sammi鼓勵Stephy稱，「聽講你復出唱返歌，大家畀多啲掌聲！」然後Stephy演唱《不要離我太遠》。

昨晚Sammi的好友梁詠琪、電影美術指導兼導演文念中、馮允謙、雲浩影、譚旻萱（Mandy）、劉沛蘅（Hillary）、林熙彤（Hazel）、許恩怡（Natalie）和ANSONBEAN等紛紛過來捧場。其中Sammi回顧過去10次獲提名但落選金像獎最佳女主角獎的電影歌曲和感言時，觀眾席上GiGi感動落淚。

謝雅兒感謝Sammi提攜

至於17日晚舉行的第五場，Sammi邀請「第42屆香港電影金像獎」，「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。

Sammi介紹謝雅兒出場，並擁抱她，踏上紅館舞台的謝雅兒激動說「阿媽，我得咗啦！」，不過Sammi發現謝雅兒緊張後即說：「嘩，你緊張到成個人震晒，起晒雞皮！唔使驚，大家都會支持你，每個人都有做過新人嘅階段，每個人都需要被肯定、被認可，今晚舞台就同你分享，希望你盡情展現自己。」即使Sammi的紫色長裙不便走動，但她仍不理儀態一手抽起裙擺，一手拖住雅兒走勻舞台合唱《默契》。

謝雅兒感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi表示：「你咁有taste（品味），所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」雅兒獨唱《填詞魂》時，觀眾大叫「加油」，場面感人。

當晚捧場的亦有視后佘詩曼、陳健安與唱片監製賴映彤、電影《填詞L》導演兼《填詞魂》作詞人黃綺琳、何嘉莉Lillian、陳嘉寶Anjaylia、蔡皓然Scott、洪瑞珙、DJ主持森美、吳嘉熙Cheronna與賴慰玲和KOL薑檸樂等。@