早前推出冧爆情歌《在愛面前投降》的馮允謙Jay Fung因為太鍾意首歌，於是特意親自填英文歌詞成為《Surrender to Love》，一於用甜蜜歌詞來竉妻，中英文齊齊說「在愛面前投降」。
Jay Fung當日於尖沙咀1881公館拍攝《Surrender to Love》Studio Live版時表示，當日作曲時已有出英文版的想法，但只是隨意填了一些英文字，直到旋律遇上陳詠謙，他填上中文歌詞，完整了意思：「陳詠謙嘅中文詞令我更確實呢首歌嘅主題，之後返屋企修改英文歌詞，由頭到尾我自己一個人寫晒。我依家很滿意，我困咗自己喺房間幾天無出街就係寫呢份歌詞。完成後第一個畀細佬睇，佢好驚喜，讚我有進步，鼓勵我繼續寫多啲詞。」
Jay Fung指：「呢首歌係講一對情侶有拗撬嘅時候，有時嗌交嗌到忘記自己嘈緊乜，剩係記得要嘈、要拗贏。而我好願意輸俾另一半，因為我知道，喺呢一刻我輸咗，但係最終我係贏，因為我贏到你陪喺我身邊。」不過原來未婚妻未聽過英文版，Jay Fung希望連同旋律製作成歌曲才給她聽。
「我想畀佢驚喜，希望佢鍾意啦！希望佢好似我咁樣，喺我面前投降，唔好成日諗住贏我。因為一段關係，唔係在乎邊個贏邊個輸，呢首歌男、女朋友都好適合，每個人都要遷就對方，要為呢段關係承擔，有陣時唔只係講贏與輸，兩個人溝通得好更重要。」
Jay會扮輸？他說：「我唔係扮，我個人好冇所謂、好chill，成日都讓佢，佢又好習慣我讓佢，我又唔係好介意，因為就好似首歌咁講：在愛面前投降！」Jay可謂是花式示範「寵妻天花板」。@
------------------
⏪️ 回顧2024專題報道👇🏻
https://hk.epochtimes.com/tag/回顧2024
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
