鄭伊健倫敦開騷 黃偉文：佢係最無被世界改變嘅人

鄭伊健近日於英國倫敦舉行演唱會，獲相識近30年的黃偉文（Wyman）現身捧場， Wyman今日（8日）在社交網站上載二人的合照，並大讚伊健是他認識的朋友之中，其中一位「最初心」和「最無被世界改變」的人。

鄭伊健日前到倫敦開騷，獲黃偉文撐場。（黃偉文Instagram）

鄭伊健於上星期六（6日）於英國倫敦Eventim Apollo舉行《Here & Now Ekin in Concert 2024 London》演唱會，獲Wyman撐場。Wyman今日在Instagram上載二人合照，並透露兩人之間的關係：「相識接近30年，從來未試過同枱食飯，相熟程度自從我冇做DJ嘅1998年開始，一直以『每5年傾到3分鐘偈』嘅速度爬行，但冇壓力，因為冇預定要去嘅目的地。亦完全無損『工作時互相信任、做人時互相尊重』嘅優雅距離，係，即係有距離，但係係優雅嘅。」

Wyman表示，雖然他和伊健未必稱得上是好朋友關係，但仍然十分欣賞對方：「欣賞嘅人，唔使個個都做到好朋友嘅。我欣賞佢咩？佢係我識得嘅人裏面，其中一個『最初心』『最無被世界改變嘅人』。」Wyman又表示，很開心自己心愛的填詞作品《吻感》當年最後交由伊健演繹。

Wyman近日亦與伊健的經理人林珊珊和音樂人陳光榮在英國聚舊，他透露自己1991年在中大畢業後，第一份工作就是叱咤903，而第一個混熟的「姐級藝人」就是林珊珊，又指對方與當時仍是新人他平起平坐，並無「殘害」或特別呵護他，令Wyman當時以為「娛樂圈個個都真係好似佢哋喺幕前投射出嚟嗰個形象咁真實咁平易近人 ⋯⋯」。

Wyman又指，非常診惜與林珊珊的緣份：「好多年之後，我先知最冇架子最好人最唔會瀨嘢最值得 keep 嗰一小撮罕有品種之一，原來我一入行已經遇到咗。」

另外，Wyman在帖文中要求陳光榮儘快舉行個人作品展，又細數兩人過去合作過的作品，包括《我的驕傲》、《發現》、《一事無成》、《嫁妝》、《心照》、《相依為命》、《幼稚園》等。@