泰國羽毛球公開賽周日（5月19日）於首都曼谷上演決賽，港隊代表伍家朗奪得男子單打亞軍。
伍家朗於本站賽事表現凌厲，首圈先以3局（21-18、14-21、21-15）大破頭號種子，現時世界排名第4位的丹麥球手Anders ANTONSEN。
伍家朗其後在第二圈及八強分別淘汰中國球手趙俊鵬，及中華台北球手李佳豪晉級。準決賽面對2023年世錦賽冠軍、泰國公開賽衛冕冠軍、現時世界排名第8位的東道主泰國球手Kunlavut VITIDSARN。二人激戰1小時18分鐘，在決勝局伍家朗雖一度落後，但最終連追6分取勝。今次是繼去年1月泰國大師賽後，伍家朗再次在泰國福地躋身決賽。
決賽面對現時世界排名第10位的馬來西亞勁敵李梓嘉，雙方最近在今年1月印尼大師賽16強交手，李梓嘉以兩局取勝。今仗伍家朗開局並不順暢，被李梓嘉一度連得11分，港將首局先失11-21。第二局，伍家朗惜未能壓制李梓嘉攻勢，結果以局數0：2惜負，獲得亞軍。
伍家朗相隔11個月再闖決賽：慶幸沒有放棄自己
伍家朗周一（20日）在社交網站貼文，表示自己經歷了一段低潮，認為今次能夠躋身決賽得來不易：「等左11個月終於再喺國際賽打入4強或以上，喺哩11個月入面包括左唔少次⼀輪遊。對比起2023年上半年（嗰半年可以話係我生涯其中最成功嘅時段之一），我評價自己嘅狀態係斷崖式下降，但原因究竟係咩？我都問過自己好多次，我波照練，比賽照打，對手都係嗰班人，咁點解半年前同半年後打出嚟嘅成績會差咁遠？我真係解釋唔到。我身邊嘅人都應該好清楚我哩11個月既心情係點，對自己無限質疑，成日喺訓練上都承受好大壓力，情緒都唔係幾穩定。」
伍家朗又表示，自己對自己的要求十分高，因此很難接受自已連續失敗，甚至近期在輸球後更會他曾經以正面的方式跟自己說「冇野嘅，再堅持下啦，考驗嚟嫁啫」、「繼續相信啦，總有一日會成功嘅」，但亦會懷疑自己應該堅持到甚麼時候，那一天是否真的會來臨：「不過喺我眼前都冇得揀，我就只可以堅持，喺每一日訓練要求自己做到最好，不斷諗辦法點樣增強自己，然後盡力喺比賽表現出嚟，哩樣就係我唯一可以控制到嘅嘢。」
他續說：「終於到今個星期泰國公開賽，出發前我對自己都冇咩特別目標，第一輪對⼀號種子，而且上兩個禮拜先喺另一個比賽輸過比佢，今次都冇咩野好再輸，所以唯一俾自己既要求就係要做得比上次好，將自己應有嘅實力表現出嚟唔好令自己後悔。結果出乎全世界意料我贏咗，打咗⼀場今年到現時為止嘅代表作，最後更加打入左由上年3月至今嘅第一個決賽！」
伍家朗又坦言，可能有人會認為他今次只是獲得一個公開賽亞軍，「洗唔洗咁開心丫？」，但他卻替自己在低谷時沒有放棄自己，更指「跌落低谷爬得返上嚟嘅感覺往往比贏到開巷更具意義」。他又指今次雖然成功晉身決賽，但不表示往後的路便會平坦無阻，但既然這一刻做到了，就「開心咗先」。 @
--------------------
向每位救援者致敬
願香港人彼此扶持走過黑暗
--------------------
🔔下載大紀元App 接收即時新聞通知：
🍎iOS：https://bit.ly/epochhkios
🤖Android：https://bit.ly/epochhkand
📰周末版實體報銷售點👇🏻
http://epochtimeshk.org/stores
