Nowhere Boys新歌《異人之野望》邀請人氣女團COLLAR成員陳泳伽（Winka）合唱，MV亦由鼓手Nate與Winka擔任男女主角，而為了配合打遊戲機過關的情節，二人預早跟武術老師秘密練刀、劍、十手等武器，拍攝時更真刀上陣，如同武士的二人對打場面十分認真，不過，最令Winka緊張是Nate充滿殺氣的眼神！
主音Van解說新歌《異人之野望》創作由來，他說：「歌名同首歌都有一種打機嘅感覺， 『異人』指特別嘅人，『野望』即係諗埋啲好奇怪嘅嘢、狂想曲。」又指用『推銀仔』遊戲講起，是比喻人生就是等待一個機會大爆發：「揸住一個金幣，就係等待最完美嘅一刻擲落去，然後就所有錢嘩啦嘩啦咁推晒出嚟，比喻人生就係等一個機會大爆發！」
而作曲人，即是Nowhere Boys中的琴鍵及小提琴手漁佬笑說：「我一路都係諗住把女聲去唱而作曲，然後Van就話好難受，佢問我點算，咁就梗係要搵個女仔一齊唱啦！」而Winka就是眾望所歸的最佳人選。
《異人之野望》MV男主角、鼓手Nate表示「故事中Winka係挑戰者，不斷向我挑戰，又不斷被我擊倒，佢屢敗屢戰，最終搵到一個機會贏咗我！而事實上，鏡頭外我畀佢擊中！」手背留下血痕，好彩只是有驚無險。Winka對他笑說：「最後武士就最後無事！」
Winka說：「練習時用膠刀假劍，輕鬆好多。嚟到見係真刀，我就好緊張、大壓力。剛才Nate用真刀作狀行住我條頸嘅時候，刀面反光，仲有佢嘅眼神好狠，更恐怖，嚇襯！」不過大家放心，他們使用的武器全部未開鋒，加上拍攝時以鏡頭遷就，非常安全 。
Winka笑說：「我冇『拍戲』嘅功能，更加諗冇諗過演打女，我係運動白痴，跳舞亦唔係最專業。」Nate則對武術充滿興趣，私下亦有練泰拳，他說：「我自小好想演動作片，但我亦都冇演戲功能。香港嘅動作片係世界級，好開心喺MV 裏加入對打場面，都算完成心願。」@
------------------
🏵️《九評》20周年
https://hk.epochtimes.com/category/專題/退黨大潮
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
