新鮮熱辣的「叱咤樂壇我最喜愛的女歌手」陳蕾，早前開售首次紅館演唱會，3場爆滿。不過她今日（22日）突然公布好消息，宣布加開一場演唱會，門票將於今個星期五（26/1）於城市電腦售票網公開發售。
陳蕾在各個社交平台公佈消息，指「多謝大家嘅支持！神奇嘅事情真係發生咗！宜家宣佈加開3月2日一場！」並於IG story上表示「原本真係加唔到㗎啦，點知最近俾多幾（個）日期我哋，最後加場！真係唔會再加啦！」加開的3月2日那一場，亦變成了首場。
對於首次踏足紅館，開三場立即秒爆，陳蕾拍片時直言可能這是就是所謂天意，她說：「本來真係冇期，得3場，但運氣不錯啦，突然又收到通知話有時間畀到我哋，咁同公司研究過之後，又唔想畀自己咁大壓力，所以決定加開多一場。」
至於有很多歌迷表示撲不到飛，出現黃牛飛開天殺價的情況，陳蕾則說不清楚外面的情況，希望今次加開令大家有更多空間去買演唱會票。她又透露，「確實係內部認購時，我張海報都仲未出街，就已經爆咗！我好多朋友喺我出咗演唱Poster後，先嚟問我訂飛，我一張飛都幫唔到佢哋」，她亦說，今次加多一場，令她都有少許門票可以給自己朋友。
不少樂迷知道消息後都興奮表示「集氣成功！」、「搶呀！」不過更多人表示，希望今場可以開放全部位置公開發售，又指之前3場只有5,000張門票公開發售實在太少，擔心今次加場亦會是「空歡喜一場」。@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
