Jay Fung馮允謙將出新歌 期待拉闊音樂會

馮允謙（Jay Fung）近日馬不停蹄出席活動，日前剛完成JACE的MOOV Live 演唱會，翌日即時現身在荃灣如心廣場舉行的全新專輯《IN GOOD TIME》簽唱會，吸引數百名Fans捧場，大排長龍，場面熱鬧。Jay Fung除唱歌及與樂迷簽名合照外，更送上一大驚喜，宣布與神秘音樂單位推出新歌，令人興奮又期待。

簽唱會上，Jay Fung談到新碟名《IN GOOD TIME》的由來，他表示2023年過得非常充實，有很多新的體驗和經歷，當中包括舉行首個個人紅館演唱會。他興奮說：「等咗呢個機會好耐，終於到啦。大碟概念係，有啲嘢要發生就會發生，但要等待對的時間，所以新碟改名做《IN GOOD TIME》。」

Jay Fung隨後唱出冧爆情歌《給你幸福所以幸福》以及《在最好的時間做最好的你》：「我經理人手說，如果不唱這首歌就未必有機會唱了，因為接下來又會派新歌，所以今天就唱了《在最好的時間做最好的你》，我真係好喜歡這首歌！」雖然前一晚才完成演唱會，不過亦未見Jay Fung露疲態，全程輕鬆自在，台上表演亦非常之專業。

至於最新推出的新歌，Jay Fung透露是一首充滿愛的作品，不過合作單位的身份，他就大賣關子。Jay Fung說：「我覺得大家都會鍾意，因為首歌聽落好舒服。今次搵咗另外一個單位同我合作，但暫時未講得，我好期待，相信你哋都會。」簽唱會後他為數百名成功搶到當日簽名證的樂迷在新碟上簽名，期間收到很多打氣說話，更有歌迷帶同小朋友及寵物到場支持，令他非常感動。

另外，Jay Fung將於三月與李幸倪（Gin Lee）、MIRROR成員李駿傑（Jeremy）以及ERROR隊長梁業（肥仔）聯手演出拉闊音樂會，他直言非常期待：「入行咁多年第一次做拉闊，一定好正。」與數位跳得之人合作，Jay Fung笑說：「我知自己跳舞唔叻，原本要求唔跳舞，但係好難，佢哋三個已經說服咗我。佢哋跳得咁好，我可能選擇跳得更加核突，咁就有嘢睇。」

下月22日是Jay Fung的生日，又適逢過年，Jay Fung透露如果時間許可，都希望可以去旅行。他說：「不過拉闊音樂會3月就舉行，如果真係要跳舞就要多啲時間練舞，開完會睇下有冇時間放假。」@