林進被拘留逾一日 同行搬屋傍晚發帖「我出返嚟啦」

「同行搬屋」負責人、前元朗區議員林進被警方拘捕並扣留逾一日。其社交平台專頁於今日（10日）傍晚發帖表示，林進已「出返黎（嚟）啦」，唯案件仍在調查中，未有透露案情。帖文可見，林進坐在一辦公室內。

帖文提到，入面（被拘留）三十幾個鐘，我（林進）好擔心兩件事，唔知同事同啲客咩反應。會唔會覺得我哋真係呃就人錢呢？但原來我嘅擔心係多餘，同事士氣好好，啲客一如既往禁（咁）支持我哋。同大家講聲，我哋「同行搬屋」公司運作一切如常（風雨同行，知我哋咩料啦）。

帖文又表示，依幾年，每個決定留底（低）嘅人內心都知道，遲早有一日會因某某原因而被拘捕。就算去到今時今日，我留底（低）既想法，從來都無動搖過，我依然想繼續留底去守護我所確信嘅人與事。風雨飄搖，更應同行。香港人加油。

警方商業罪案調查科人員昨日（9日）就「科技券」騙案展開拘捕行動，多名被捕人當中包括「同行搬屋」負責人、前元朗區議員林進。警方回覆本報查詢表示，稍後會就案件交代詳情。

據消息透露，林進被指涉及一宗發生於2021至2023年間的串謀行騙及詐騙案。他曾以「同行物流有限公司」名義，申請創新及科技基金負責審批的「科技券」，並獲批約24萬元。但「同行搬屋」昨晚發聲明指，從無接收過上述資助。@

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand

林進被拘留逾一日同行搬屋傍晚發帖「我出返嚟啦」