《好好掛住》推Acoustic版 陳健安做回MV主角

近年，香港經歷移民潮和疫情，不少歌手都推出以離散和移民為主題的歌曲，治癒歌迷的心靈。「C All Star」成員陳健安（安仔）繼6月推出歌曲《好好掛住》，8月1日再於YouTube頻道推出《好好掛住Catch You Later》Acoustic新版本。

安仔在6月29日至7月9日舉辦了「好好掛住」作品展覽，展出他多位好友的畫作，展示內心最掛念的人和事。在展覽過後，安仔特意錄製《好好掛住》Acoustic版回饋樂迷，他說：「經歷咗掛住之後嘅一個新版本，叫做《好好掛住Catch You Later》。」

安仔與填詞人李文曦一致認為有送別禮的感覺，於是決定將這個版本命名為「Catch You Later」。安仔解釋：「個名幾Chill，唔係好傷感。好似我喺送別禮上面，送呢首歌畀離開咗同埋掛住嘅人同事，最後講一句『Catch You Later，遲啲見』。」

在原版《好好掛住》MV裏頭，MIRROR的江𤒹生、商台DJ江慧楓與「造星V」參賽者Tiger Foo符紀男，他們以畫作分享內心想好好掛住的「動物」、「家」和「親人」，反而安仔在MV中出現的畫面相對有限。

相反，今次的Acoustic版本，安仔終於做回主角，導演更將拍攝場地，還原「好好掛住 作品分享」展覽中出現過的memo牆，將當日大家用文字紀錄的思念字句，再一次呈現在MV內。今次版本由歌曲監製和編曲賴映彤擔任琴手，以及樂隊Nowhere Boys結他手Kenneth彈Banjo伴奏。Banjo結他配上鋼琴的聲音，安仔與填詞人Oscar李文曦一致認為有送別禮的感覺，於是決定將這個版本命名為「Catch You Later」。

安仔說，他在音樂方面同樣花盡心思，無論樂器、唱腔、以至歌曲的速度，也作出一定調整，安仔坦言在錄音前要幫自己「洗腦」，忘記原版的唱法。「轉一轉啲Groove（旋律），有少少Folk Song（民間音樂）感覺。錄音時要忘記之前版本嘅Phrasing（樂句），我用嘅方法就係用英文亂咁唱，轉咗好多個Tempo（拍子）。過程入面搵到新嘅Phrasing，第一句已經同原版唔同。新嘅版本唔係純粹轉咗編曲，而係重新灌錄，比原版速度快少少，希望畀到新嘅版本大家聽。」

安仔續指，兩個版本適合在不同時間收聽：「原版適合靜靜哋喺屋企聽，新版我建議搭緊車望住唔同風景，或者揸緊車播出嚟，我覺得都幾啱咁樣去聽。」◇

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand