李旺陽逝世10周年 至少我地呢一代唔會忘記

今年6月6日，是湖南工運領袖李旺陽逝世10周年。當年採訪李旺陽的前有線電視記者林建誠，接受本報節目《珍言真語》訪問，表示10年來每逢特定時刻一定會想起李旺陽，又慨嘆中港的採訪環境收窄。

每年6月6日的悼念

林建誠分享，他自2013年6月6日開始，每年的6月6日清早設置好蠟燭等，「只要我仲有力氣、有呼吸，都希望喺每年此刻，為李旺陽先生點一支蠟燭紀念佢」。

2021年6月6日下午，職工盟在旺角朗豪坊外設置「悼李旺陽沉冤待雪」街站，悼念中國民運人士李旺陽逝世9周年。（宋碧龍／大紀元）

10年過去，他仍然對事件有遺憾，「迫自己」不要忘記6月6日。李旺陽是在他生命中出現過而很重要的人物，在困難時刻中，令自己不要遺忘一些人，是最重要而且在有限空間內能夠做到的事。

他說，在報道李旺陽的事跡後，除了香港，海外很少人知道；但經過多年之後，在美國和法國都有李旺陽的雕像樹立，自己感到有點安慰。不期望會帶來很大的改變，但至少越來越多人認識李旺陽過去面對的困難，和遭受的不人道對待，「多人知對佢嚟講，都係一個安慰」。

10年來，林建誠在一些特定時刻會經常想起李旺陽，平時與人分享時「冇乜野」，但每年的五月下旬，例如5月22日（李旺陽受訪的日子）、6月4日、6月6日（李旺陽死忌），及11月中李旺陽的生忌（亦是林建誠的生日），這幾天一定會記得李旺陽，雖然沒有夢到他，但「到時候就會自動彈出嚟」。

林建誠說，每年都會打電話給李旺玲（李旺陽胞妹），慰問近況、談天。去年趙寶珠（李旺玲丈夫）去世，自己亦感悲痛，但是能夠做的事卻不多，因為不知道《國安法》出現後「即使你捐助人100蚊，都可能係觸犯㗎喎，咁樣嘅話我地可以做到啲乜野？除咗打電話表達慰問，表達難過之外，其實我地做唔到野」。據他所知，李旺陽逝世10周年之際，李旺玲未能到墓前拜祭。

公布真相才有可能釋懷

2019年11月17日晚，香港理大硝煙瀰漫，數百人被港警包圍，民間呼籲反包圍救人。（宋碧龍/大紀元）

被問到是否仍然感到內疚，林建誠嘆氣道，他一直內疚，認為自己間接連累他非正常死亡；但自從與李旺玲見面後，便開始釋懷，減少了自責，「但減低咗唔代表可以忘記曬所有野」。想起這件事，「心裏必然會內疚，同埋好唔舒服」。

雖然經歷10年後自己「放得低」，但是傷痕仍然在心中。這類創傷後遺症，「唔係三兩年，甚至係十年解決得到」。他說，要解決「只能夠等真相可以好正面地公布出嚟，可能先至會有釋放」。

現時，林建誠修讀神學。原因是他在中國大陸跑新聞多年，環境日漸收窄，已經很難為社會、普世價值做更多事，「既然係咁，不如嘗試換一條跑道」。

李旺陽事件，亦是其中一個因素，促成他更多地思考人生的問題與可以做到甚麼。他自責，希望有一個安靜的環境，思考自己的人生、信仰和價值，是否能夠有另一個景象。於是，他實行多年來的志願，修讀神學

李旺陽之死，引起香港人極大的關注，但中共官方多年來未改變他是「自殺」的說法。林建誠坦言，「而家已經冇乜野諗法，唔會期待佢地會改變呢樣野，對佢地來講已經係所謂嘅『定案』」。既然不能改變其立場，我們只能夠在記憶中不斷提醒別人，李旺陽的死因是不明不白，需要有公正的結論，「對逝去嘅一個先人，至少追返一個公道先啱」。

李旺陽接受林建誠訪問後死亡，官方宣稱其「自殺」，當中有大量疑點。林回想，親眼見過李旺陽，「睇見佢嘅步伐，亦都見到佢行路好唔穩陣，雖然佢隻手好有力，但係佢再望前邊嘅野就望唔到，係咁嘅情況之下要一個盲嘅人，喺醫院入邊搵一塊布條，仲要自己纏住，仲要搵到一個窗口嚟到去撓實，然後要吊高自己，有冇一張凳嚟到升高自己，然後隻腳就咁掂住喺地下度，呢啲跡象唔會令人有任何嘅信服」。

他憶述，李旺陽死前一日，得知關於他的報道引起外界關注，仍然說要買收音機，也要醫好自己的眼睛和耳朵。「呢一個生存嘅意志，唔足以令到佢突然間萌生一個自殺嘅念頭，既然佢喺獄中接近22年，咁樣熬過，要佢突然間走上絕路，我覺得呢個係冇可能嘅事」。