張敬軒第10場演唱會,姜濤驚喜現身任嘉賓。(張敬軒演唱會影片截圖)
張敬軒第10場演唱會,姜濤驚喜現身任嘉賓。(張敬軒演唱會影片截圖)

張敬軒21日晚在紅館舉行第20場 《The Next 20 Hins Live in Hong Kong》演唱會,姜濤擔任嘉賓。

張敬軒(軒仔)演唱會當晚,姜濤帶了漢堡包和薯條,更在台上餵軒仔食,之後軒仔更大讚姜濤,作為新人,佢「冇停止過令自己進步」,更透露早已看好他,還曾勉勵姜濤:「你要加油,我買你贏」。

二人相識多年 由「網友」開始

介紹姜濤出場時,軒仔說,今年是自己入行20周年,在這20年裏面見證了好多音樂人同新歌手出現,這幾年則在公開活動上認識了一位朋友,自此之後就成為「網友」。

「佢好得意,佢第一次見我嘅時候好怕醜好怕醜,但係當我哋認識之後,佢每一次問我問題,全部都係關於唱歌同埋音樂,甚至乎佢令我最感動嘅係,佢會將佢啱啱拍好嘅MV、或者錄好嘅歌send畀我聽,跟住問,我有邊度唱得唔好。」他讚賞道,「佢一路好似都冇停止過令自己進步。」

之後,軒仔透露,當時他就覺得這個年青人好叻,因為在樂壇當中你要成為「長青樹」,就一定要有足夠的鬥志,更要認識到自己有甚麼長處和不足的地方,才能夠將勤補拙,「所以當時我回咗佢一個message,我話『你要加油,我買你贏』!」

軒仔說,這兩年,很開心見到他成為一個獨當一面的歌手,並有好多好多的支持者,雖然成長的路、成名的路,特別是對他這個年紀的藝人來講,必須要在讚美聲和各種批評聲中勇往直前,「但我相信佢一定會將呢啲化成力量,令自己成為更成功嘅歌手。」

姜濤一出場,即刻成為全場爆點,兩人合唱一曲《斷點》後,軒仔同姜濤擁抱,軒仔道:「我哋識咗都4年幾啦,佢啲怕羞,由頭到尾都冇變過。」之後軒仔讚道:「姜濤係一個好得意嘅男孩子,每一個長輩、每一個同佢做過嘢嘅人都會喜歡呢一個人。因為佢係一個好畀心機,好謙厚嘅人。」軒仔表示,姜濤應該有自己的個人演唱會,雖然姜濤即刻擰頭話唔會,軒仔就鼓勵他說,自己以前都是做前輩的嘉賓,做做下就有自己的演唱會啦。

跟之前多位嘉賓一樣,姜濤亦有向軒仔送上禮物,「我知道呢排你開演唱會,冇啖好食,我送一款我最鍾意嘅食物俾你。」姜濤拿出準備好的漢堡包和薯條,軒仔即刻笑道:「好大嘅誘惑,好耐冇見過呢樣嘢。」姜濤更親手餵一條薯條入軒仔口中,軒仔得意笑道:「呢啲福利得我有㗎咋,呢條薯條唔想吞落肚添。」話未完,姜濤又幾極快手偷食,將一條薯條極速放入自己口中,之後姜濤唱出重新編舞的 《Master Class》。

姜濤翌日在社交平台分享演出片段,並對軒仔說︰「很榮幸能做張敬軒前輩紅館演唱會的嘉賓,感謝您教會我的東西,我會繼續加油。」◇