黎明新年送驚喜 舊歌新詞《全身想旅行》唱盡港人想飛心聲

過往兩年疫情在全世界反覆，坐飛機去旅行彷彿已經是「上世紀嘅事」。黎明（Leon）在大年初四（2月4日）為大家打氣，他的唱片公司發布了Leon的最新單曲《全身想旅行》，唱盡香港人逾兩年無得飛，好想去旅行的心情。黎明亦表示，將此曲送給大家回憶疫情的所有經歷，各人有個人信念，他亦一樣。

繼新版《夏日傾情》面世，黎明邀請好友林日曦將他1999年推出的《眼睛想旅行》填上新詞成為《全身想旅行》，歌詞以大家超想去旅行的心情為主題，唱出了香港人無得去旅行的心聲，非常有共鳴。黎明亦有於他的Facebook發文親解錄製此歌的原因，並跟大家拜年。

他發揮一貫的幽默本色，亦不忘派金句︰「今日立春，祝福每位身體健康，事事順利，今次我就重唱一曲兼搵個朋友幫忙重新填詞，將《眼睛想旅行》亦改為《全身想旅行》。人哋有神童預言，而我更不是什麼預言者，所以我只能將此曲：《全身想旅行》送給大家去分享兼回憶今次疫情給大家的所有經歷，相信每一位都有屬於佢個人的信念，我亦一樣，而這一曲：《全身想旅行》，我想牙痕痕斷估預言今次聽完此曲不超過60天便可將佢拋諸腦後成為過去式，往後亦無需再聽，因為疫情也只是我們生命中的一點具挑戰性的小過客，此過客亦好似刺客，傷害了好多無辜，最後大吉利是，請原諒我，新正頭講啲咁嘅嘢，我亦相信人類能接受不同時候的挑戰，包括對抗疫情種種等等。」

此曲MV在YouTube上架20小時逾21萬點擊，截至今日（2月6日）已有一百萬的1M的觀看量，亦是音樂發燒影片第一位。網民都紛紛留言大讚Leon以及他的這首新作，有網友說：「正爆 Leon 唱出港人心聲, 把聲仲係咁 young 🤩 最親民貼地既天王 👍🏻」，也有網友說：「黎明係四大天王唯一上咗神枱的藝人，佢出新歌巳經完全唔需要考慮市場因素，純係讓觀眾聽得開心。」還有網友說：「從佢嘅演唱會嘉賓，就睇到佢幾咁貼地，彷彿用另一種方式話俾大家聽，佢用娛樂與香港人同行，回饋香港歌迷，毋忘香港fans 。他是值得尊敬嘅殿堂級天王。」

《眼睛想旅行》歌詞

個赤鱲角真闊
冇晒人飛
你我都半放棄
放假就冚被
唱吓舊歌
當我呼出廢氣
甚麼空喼經已生鏽
甚麼passport積哂污垢
甚麼皮靴都發咗臭
吽喺屋企
摸吓最厚嘅褸
如果想開心
𡁻日本的炸粉
墊住大阪的聲音
當去鬼咗旅行
尋一點開心
淥熟一兜意粉
索住曼谷的香薰
個肺都想旅行
呵～個肚都想旅行
呵～我血管想旅行
呵～我眼睛想旅行 @