各位觀眾，大家好，今天是 5月 6 號，星期四，歡迎收看紀元頭條。我係雪兒。

5月3日，哈利法克斯國際安全論壇（HFX）係 Twitter 發影片，宣布將2020年「馬侃（罕）公共服務領袖獎」頒俾台灣總統蔡英文。

中華民國外交部發言人歐江安說：「這不只是對於蔡總統本人，而且也是對全體台灣2350萬人民，在抗疫及堅守民主制度的肯定與殊榮。」

多位知情人士話俾傳媒聽，哈利法克斯國際安全論壇原訂係舊年底，宣布頒獎俾蔡總統，但傳出該論壇最大贊助者加拿大杜魯多政府擔心激嬲中共，暗示會停止贊助。經傳媒曝光後，加拿大眾議院係 4月15號全院無異議通過提案，支持蔡英文係「馬侃（杜）獎」嘅理想人選。

加拿大約克大學教授沈榮欽向自由亞洲電台表示，呢個係個標誌性事件，連加拿大呢個親北京政府嘅風向都變了。

佢話：「如果你以加拿大為例，特魯多政府是極度親中的政府，即使一個極度親中的政府，他要做這樣的事情的時候，在今天都遭遇到那麼大的反彈，那個反彈的力量，我相信那是大到原來總理辦公室都沒有想像到的。」

沈榮欽認為，呢個代表國際大環境氣氛已經完全唔一樣的，過去親近台灣係個禁忌話題，但依家擁抱北京先至係危險訊號。歸根究底係習近平戰狼外交咎由自取嘅結果。

不單止國際上嘅風向變了，高壓統治下嘅大陸風向亦係度變，民眾敢於挑戰中共嘅權威。

有浙江龍港嘅律師公開係微博發帖提議「解散中共，推舉蔡英文為臨時大總統。」消息過於敏感，當局立刻出動捉人。

中文 Twitter 圈頗有影響力嘅「中國文字獄事件盤點」帳號發布一條消息，指浙江省龍港市一名律師蔡祖成，係微博發文話「我有一個令祖國和平統一嘅好辦法：解散中共，推舉蔡英文為臨時大總統，之後再選舉正式大總統」。仲話，當局立刻對蔡祖成拘留13日，並罰款1千蚊。

不過，蔡祖成並無退縮，仲向當局提起上訴，話自己只係係度行使左憲法所保障嘅言論自由權，但最終敗訴。

據悉，蔡祖成經常係網絡上發表一 D 對當局批評、揭露、抨擊、調侃（罕）嘅言論。其中上述要求「解散中共」嘅帖文系係舊年7月2日發表嘅。目前，蔡祖成嘅微博帳戶已經被清空。

國內外大風向正係度急劇轉變，中共總書記習近平似乎仲生活係央視新聞聯播嘅「形勢一片大好之中」。

近日，中共黨刊《求是》雜誌刊發習近平對時局嘅睇法，習近平係 1月11號，對省部級主要領導幹部稱，當今世界最主要嘅特點就係一個「亂」字，而呢個趨勢睇黎會延續落去。

佢仲對全球疫情進行分析，習近平認為，疫情中，各國領導力同制度優越性點樣，高下立判。習近平的結論是，「時與勢」係中共一邊，並且話呢個就係中共所謂嘅定力同底氣所在，亦係中共所謂嘅決心同信心所在。

對此，台灣財經專家、資深傳媒人黃世聰分析認為，世界局勢早已經同過去唔同，反共已經成為共識。習近平此言，只係共產黨睇事情嘅角度，同正常國家嘅思維完全唔同，呢個亦導致習近平對世界形勢發生誤判。

世界圍堵中共嘅大勢並未有因為習近平嘅誤判而減速。近日，澳洲政府再次推出抗共大動作。繼日前宣布取消同北京簽署嘅「一帶一路」協議後。澳洲國防部長杜登（Peter Dutton）呢個星期宣布，正係度考慮廢除中方租借達爾文港（Darwin）嘅租約。

達爾文港係澳洲北領地（Northern Territory）面向亞洲嘅最重要港口，美國陸戰隊亦駐紮係果度。2015年，中共嘅嵐橋集團同北領地嘅地方政府簽左租約，租價超過5億澳幣，租期99年。據悉，該集團董事長葉成同人民解放軍關係密切。

總理莫里森（Scott Morrison）5月4號係接受Seven Network採訪時表示，聯邦政府將根據國防部嘅建議，對嵐橋集團係達爾文港嘅租約採取行動。

參議院外交、國防及貿易委員會主席阿貝茨（Eric Abetz）表示，將達爾文港租借俾中國共產黨關係密切嘅公司係一個「必須糾正嘅嚴重錯誤」， 呢項審查至關重要，而且早該進行。

除左經濟、外交上加速同中共脫鉤之外，澳洲軍方正著手為可能同中共爆發嘅軍事衝突做準備。

《雪梨晨驅報》同墨爾本《世紀報》引述多個匿名消息來源，指舊年4月，時任澳洲特種部隊指揮官芬德萊（Adam Findlay）少將係一場機密簡報中，向特種部隊官兵表示，中共已針對澳洲發動一連串處於灰色地帶（grey zone）嘅「政治作戰」（political warfare）行動，呢個好可能演變成武裝衝突，必須為此做好準備。

芬德萊話「政治作戰」包括貿易手段、情報、外國勢力干預、外交同網軍等。

芬德萊係機密簡報裏面話，中共係澳洲主要嘅威脅，澳洲軍隊必須係印太地區重新確立並發揮作用。澳洲軍隊一方面要防止戰爭爆發，但外國情勢不可預測，並且「有好高嘅可能性」會爆發衝突。

佢仲強調，中國嘅特種部隊隊員多達2.6萬人，一旦爆發軍事衝突嘅話，澳洲除左需要傳統陸、海、空戰力應付之外，仲需要擁有網絡同太空作戰嘅能力。澳洲必須應對這項挑戰。

近期，係大規模接種疫苗過程中，係美國、香港等地都出現大量唔接種第二針嘅「跳針」現象，並引起多國政府關注。係美國已發現有超過500萬人「跳針」，同樣嘅問題係香港亦十分嚴重。

據《紐約時報》報導，截至當地時間4月9日，有超過500萬美國人無注射第二針疫苗，占全美疫苗接種總人數嘅8%，而且呢個數字仍然係度不斷增長。

報導話，「跳針」原因主要係怕疫苗嘅副作用。但係亦有人話，自己覺得1劑疫苗就能形成保護。中有人話，因為疫苗供應不足，導致自己無法按時接種到同一品牌嘅疫苗，所以取消左第二次接種嘅預約。

此外，香港係接種中共國產疫苗嘅人中，係注射第一針指後，大約有10%「跳針」，比美國嘅「跳針」比例仲高。

香港市民目前接種嘅主要係大陸嘅科興疫苗。自從今年2月底開始大規模接種疫苗以黎，香港已經有累計28人接種後死亡，其中22人接種嘅係科興疫苗。

英國廣播公司（BBC）引述香港醫院藥劑師學會會長崔俊明嘅話報導，一般而言，如果應該施打兩劑嘅疫苗僅接種左第一劑，咁抗體會係兩至三個月後消失。@

------------------

⏪️ 回顧2024專題報道👇🏻
https://hk.epochtimes.com/tag/回顧2024

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand