今天是3月31日，星期二。歡迎大家來到疫情最前線，我是Zac

首先提醒大家，如果喜歡我們的內容，記住要俾like , share 同埋留言。我們的堅守需要大家的持續支持。

因應中共肺炎疫情漸趨嚴重，香港政府針對食肆公佈 6 項規定，要求檯同檯之間，要有1.5米嘅距離，每張檯唔多於 4 個人等。「黃店」光榮冰室29號夜晚係Facebook表示，有警員一日幾次咁巡查分店。 

根據網媒PSHK報道，當時光榮冰室入邊嘅食客＊寥寥可數，每張檯人數亦唔多過3個人，餐檯「間距」符合法例。警員查問左一輪，同埋登記完資料之後就離開。不過，唔到30分鐘又再番來巡查第二次。 

光榮冰室表明唔會驚，講到：「你咁嚟掃場，唔通我啲客又會驚咩？」有網民質疑政府藉機打壓「黃店」，留言話：「PoPo真係得閒無野做」，有人就建議警方「去藍店check下啦。大把無（按）法規保持1.5米啦」。

另外，一名駐守西九龍「總區機動部隊」（PTU）的31歲男警，29號初步確診中共肺炎，如果最終確診，將會成為＊第三名警務人員感染個案。

據悉，依一位男警發燒，體溫達到38℃，肺部更纖維化；駐守同一小隊，大約40名警務人員已經＊即時停止同市民接觸的工作。

境外亦都有港人被確診，根據秘魯傳媒報道，一名係當地的港人確診中共肺炎死亡。

報道指，死者是一名64歲香港男子，同太太到達「庫斯科」個時無任何病徵，而且係3月16日起，＊按規例進行自我隔離，但係到左當地時間星期五＊證實不治。

港府發言人話，目前入境處，共接獲86名，滯留秘魯的港人求助，包括30多名旅行團成員。港府同緊大使館同埋航空公司跟進，盡力安排機位。

本港中共肺炎確診個案火速突破＊600宗。港大「微生物學系」「講座教授」袁國勇承認，本港＊未有快速切斷，由外地輸入的傳播鏈，相信有唔少患者留係社區；最新由外地返港的確診個案已經約有200宗。他表示：「隨時有2,000宗本地個案出現」。

佢直言依家本港疫情非常嚴重，佢話：「有少少開始進入失控嘅狀態……如果我地再做唔好嘅話，我地會變意大利北面咁樣，呢個係完全唔可以想像」。

日本方面，中共病毒快速蔓延，由25日至29日，短短4天，東京的新增確診人數增加左259人。其中104人傳播途徑不明。為防止疫情擴散，東京上周宣佈「周末臨時禁足」，東京街頭出現少有「空城」嘅光景。

最近係網上流傳左「4月1日東京封城」傳聞。日本首相安倍晉三表示「將係危機最後關頭做決斷」，目前日本政府為左封城做緊準備。

日本的經濟、政治以「一極化」著稱，「極端地」集中係東京一帶，每日出入東京的人口高達300萬，東京封城，或者將會重創日本經濟。

另外，有「阿笨契爺」之稱、日本喜劇演員「志村健」，29號晚因為中共肺炎去逝，享年70歲。亦都成為日本首位感染中共肺炎死亡嘅藝人。

志村健係好多民眾嘅回憶，佢嘅死訊傳開之後，網友都紛紛表示哀悼同埋惋惜，維基百科亦都更新左志村健死亡嘅消息，不過就係網絡上引發一場「病毒名稱編輯之戰」。

在維基百科，志村健的個人頁面當中，出現了多達「百次」的編輯紀錄。志村健死因被一度篡改為「台灣肺炎」，雖然依家已經被改為「2019冠狀病毒」，但係亦都引起網友熱烈討論。

「在社群媒體有近20萬人追蹤」的粉絲團「只是堵藍」就發文痛批，志村健殞落嘅時候，惡劣的中共網軍，忙緊四處竄改資訊，將志村健嘅死，由「中國武漢肺炎」改成「台灣肺炎」

有網友直斥：「 一直想將自己的過錯推俾其他人……一陣間美國，一陣間意大利，依家就台灣…..下一個會是邊個呢?……「有功搶邀」「有過狂推」..真的是爛透嘅光景中共」

日本網民對志村健嘅死感到悲痛，大部份人都＊將矛頭指向隱瞞疫情，導致病毒擴散全球的中共，有日本網民留言：「如果當初中共及時通報，志村健可能唔會死，我討厭隱瞞資訊的中國政府和同埋世衛！」

之後我地一起睇睇中國嘅疫情情況

近日，大陸中共病毒發源地武漢，持續「零確診」及「零疑似病例」，甚至全國範圍，基本上係無本地病例，確診的大多數係境外輸入病例。

但係，28號武漢市洪山區同埋「平街盛世花園」社區張貼的告示就明確指出，有2人確診中共肺炎，一個是係「柴林花園」，第三棟樓，已經入院，另一個是「鐵機馨苑」，位於該小區的第十三棟樓，亦已經入院。

告示仲寫，上述病人者，具體樓層同埋房號屬於患者個人私隱，不便公佈。請大家做好自我防護，儘量減少出門。

另外，武漢嘅一位民眾係推特上披露，28號朝早，武漢「漢陽造紙廠」有個小區一家四口被拖走，話係「復陽」導致嘅感染，佢地居住嘅成棟樓都被封左。

網友「萬晴」表示，28日武漢地鐵開始恢復營運，但唔知「是福是禍。」

他披露，自己有親戚之前一直響應號召，留係屋企，後來復工左沒幾天就呼吸困難，仲係仲收到病危通知書。但係醫院的診斷：「唔係中共肺炎。」

他話：「醫生都無叫任何家屬去睇，但係如果唔係中共肺炎，都已經病危了，點解唔俾去探下呢？」「果真係零疫情城市。」

另一方面，中國各地亦出現所謂「綠碼者病發事件」。3月25日，湖北正式解封，只要手持「綠碼」就「可獲準」進入其它地區。但係，甘肅29號傳出新增2宗確診個案，其中1個個案，就係持有可通行「綠碼」的湖北人。

據悉，被確診人士3月22日自行「楂車」返蘭州，28日CT結果顯示肺部呈玻璃狀，被列為疑似病例；29日確診。

湖北省的健康碼，因此深受質疑。「健康碼」是由中國騰訊跟阿里巴巴研發，當局可透過手機，監控人民的行蹤。並判定用戶有無被感染的風險。

但唔少網友表示「綠碼根本就無用，只係自說自話。」又有人話「感覺依個健康碼並唔保險。」

由於可信性低，因此引發左大陸各省的激烈衝突。上周末，湖北同埋江西兩省警方大打出手，亦都係因為健康碼引發嘅「唔信任危機」。北京就率先採取對湖北人的嚴厲封堵措施，湖北人入京困難，連過境都唔俾。

信任危機之下，湖北的解封無辦法，令到中國人相信當局宣稱的疫情「得到控制」。

上海新民晚報消息，上海的東方明珠、上海中心及金茂大廈，三大高樓觀光廳，自從3月30號起再次關閉，上海海洋水族館亦都發佈左閉園公告。

國家電影局於27日晚間出左通知，要求各地所有電影院「暫不復業」，已經復業嘅立即停止營業，而江蘇省亦都傳出關閉網吧和娛樂演出場所的消息。

海外輿論界普遍認為，依個係中國大陸疫情復燃的徵兆。 

國內無人信，國外都無人信，中共的『疫情外交』遭受重創

荷蘭衛生部28日宣佈，回收60萬個中國製造的口罩，因為佢地不符合質量標準。

荷蘭公共媒體《NOS》報道，荷蘭上星期，從中國進口依一批口罩，一共有130萬個，有KN95證書（中國認證標準，和N95防護性一樣）。但係依批口罩係檢查過程中唔符合標準，因此立即停止分發俾醫，仲要回收添。

除左劣質口罩之外，中國製造的快速檢測試劑盒亦都頻頻穿崩，準確率只有百分之20、30左右。

3月27日，土耳其官員話俾獨立媒體「中東之眼」知，中國生產，解黎快速檢測中共病毒的試劑盒，準確率只有百分之30-35，土耳其政府已經放棄使用。

3月25日，西班牙方面指出，從中國購買的550萬份快速試劑盒準確率過低，準確率只有百分之30，決定退貨。

3月18日，捷克衛生官員「帕夫拉·斯維奇諾瓦」表示，捷克從中國購買的15萬個試劑盒，錯誤率竟然高達百分之80，以至於要將全部樣本做更深入的檢查。

西班牙電視節目評論人士表示，中共帶來病毒，再出售遏制病毒的藥物，並且仲要再次欺騙世界。

而深圳市政府日前向本港的社福機構，送贈左50萬個兒童口罩，29日起分批將口罩派俾有需要孩童。但係之前，香港教育局向應屆中學文憑試考生提供50萬個口罩，但係網上有唔少考生投訴口罩質料薄，又唔防水、又有黃色污點等，擔心不能夠防禦中共肺炎。港府其後回應話，該批口罩分別來自中國大陸和俄羅斯。

最後，我都再睇睇英國嘅情況

近日，英國感染中共病毒的患者激增，王子、首相和部長都不能倖免。

據《每日郵報》報道話，英國首相約翰遜的內閣官員對中共政權嬲到噴火，指責中共傳播虛假信息，偽造患者數量，據悉，可能會導致約翰遜放棄同「中資華為」的5G交易。

報道指出，英國政府憤怒的內容包括：「中共隱瞞和掩蓋中國病人的真實數據，根據英國的科學界和醫療界專家估計，中國真實嘅病人數字是目前中共自稱數字的15倍到40倍。截止尋日，中共淨係公佈左八萬一千幾宗案例，仲有最近令人O嘴『歸零』報告。」

其次，英國官員認為，中共通過向其它歐洲國家提供所謂的「援助」，黎擴大國際影響力。

另外中共最近企圖把傳播病毒的責任推俾美國，英國首相府對於依個老屈嘅做法亦感到『極為憤怒』。

約翰遜曾經一意孤行要「開綠燈」俾華為，激嬲左英國的主要盟友美國，亦都令好多保守黨內嘅議員非常嬲。

《每日郵報》引用一位內閣大臣的話：「我地唔單止俾華為咁樣嘅公司進入我們嘅經濟，而且仲要成為我們基礎設施的關鍵部份。」 

仲有英國官員表示，疫情過後一定要對中共進行清算，仲話如果中共一意孤行，中共政權將會淪為國際上的「惡棍國家」。

今天的疫情最前線就到這裏，多謝各位收看。

守護真相，永不放棄，我們的堅守，需要大家的支持。

我是ZAC，再見#

------------------

🏵️《九評》20周年
https://hk.epochtimes.com/category/專題/退黨大潮

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand