第42屆香港國際電影節前晚開幕，今年行紅地氈嘅星星雖然唔係個個都亮爆眼，但都有啲睇頭，包括有今屆新片評審之一的葉童，連續5年獲選電影節大使、新鮮出爐的影帝古天樂，台、日合拍開幕電影《盛情款待》中的女主角田中麗奈。而中間亦有點小插曲幾搞笑，如HotCha成員之一的張紋嘉（Crystal）則手捂胸口心驚驚行路，游學修、林耀聲、譚善言一行人則在紅地氈盡頭遇到一位講「英文」的大叔並被大叔嚇到呆咗。
張紋嘉望偷師學藝
久違的張紋嘉前晚一襲白色連身蕾絲裙現身電影節開幕禮，行紅地氈時就手捂胸口，表現得心驚樣。接受訪問時，她笑言「有啲緊張，雖然做足打底，但都幾謹慎。因我細個嗰陣時有啲不修邊幅，大個咗都擔心走光。」
第一次參加開幕電影活動，雖然Crystal 是HotCha女子唱跳團體出身，以唱歌為主，但都參與過不少影視作品的演出。她直言，簽咗新公司，都望能認識多啲電影界，為日後演戲學習並打底。
游學修英文無難度
游學修、林耀聲、譚善言一行五人一起行紅地氈，卻在紅地氈盡頭遇到一位來自東南亞的大叔，他同本報記者講，他來自印尼，從事旅遊刊物，希望有去過印尼的明星可以幫他的國家做些旅遊宣傳，例如峇厘島等地。
不過，可惜大叔啲英文嚇呆幾個小朋友，無一人聽得明他講乜，都係游學修英文堅啲，有主動回答，不過，就遺憾表示，「我去過曼谷，無去過大馬和印尼。」幫你唔到喇！
麥芷誼冀承擔社會責任
曾經飾演過彭浩翔執導的《同班同學》女主角之一，新人麥芷誼給觀眾的印象應該是那個在戲中任性反叛的女仔，在成長的過程中離不開友情和愛情。
現實中，她則表示，「有時候做了公眾人物，都有啲社會責任要承擔的。也都希望透過角色，反映社會上有不同的人，他們或者需要幫助，或者他們需要別人的了解和理解。」她說，如果這些訊息能透過自己飾演的角色去傳遞，都覺得有意義。她還希望，有機會挑戰可愛少女角色。◇
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
