粵劇老倌阮兆輝當年3、4歲時跟隨父兄來港定居，7歲開始從事演藝工作，1971年成立香港實驗粵劇團，以推動香港粵劇的發展。

昨日阮兆輝出席「香港金閱獎」星級作家講座活動時，透露其新書主要內容係講番些粵劇入門基本嘢但現在的人不重視。

粵劇文化係要承傳

他謙稱謂其書並不是甚麼教科書，只是分享自己在粵劇界幾十年是怎樣走過來，還自嘲說內容係皮毛。他更透露最初沒有出書的想法，後來機緣巧合便同出版商合作。籌備出書用了3年時間，提到新書銷情如何時，阮兆輝表示不會太著意這方面，反而「最重要係承傳！」。不過書中提到他的經驗分享，相信對於那些有志投身粵劇界的後輩來說是相當受用。

行坐企係基本功一定要識

粵劇老倌阮兆輝到書展出席講座受訪時，回想當年說：「當時學戲嘅時候第一日踏腳學嘅嘢而家竟然係無人識，即最初級嘅嘢，反而去學啲高級嘢，基礎嘢反而冇人識，我覺得好危險，例如怎樣企、坐、行啦，其實這三樣嘢係一個演員對著觀眾最多嘅形體動作，表演幾小時最多都係行、坐、企，出來如果都唔靚咁點算好，不過原來而家冇人去研究這些。個個可能其他東西都可以，但基本嘢唔識，所以我全部講番基本嘢。」

老一輩訓示「吃得苦中苦 方為人上人」

寫書過程阮兆輝回想當時學戲之時，是辛苦，不過大家都不會抱怨，不會說出來，因為老一輩的人經常說：「吃得苦中苦，方為人上人」，我覺得係真嘅！好多東西都要吃苦要多練先會有好的效果出來的。他更表示自己不會收徒弟，不過甚麼人有興趣學戲他都會教。現在的他除了教學工作，仍然是一位演員。提到對粵劇界有甚麼意見時，他說人才唔夠，資源不足。◇

 

------------------

💎成為會員 📧訂閱電子報
https://hk.epochtimes.com/subscribe

🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand