杜汶澤（阿澤）平日經常在Facebook上秀美食圖片，好客的阿澤也經常在家中宴請親朋好友。今年5月開台的免費電視——奇妙電視邀到阿澤開拍飲食節目《杜汶澤食住上》，預計開拍一共13集，且每集都會邀請特別嘉賓出席，一起互動聊飲食。
阿澤說：「我每集會教一味餸，冇話西餐定中菜，總之係我拿手菜，同大家分享吓，o依家一路搜集緊好材料同籌備緊。」咁係咪好似鼎爺呢？阿澤好謙虛咁話：「當然無法同鼎爺比較，佢高深莫測，我哋呢啲係師奶仔，點同佢比，我純粹煮啲屋企嘢。」
被問到在節目中會煮甚麼好菜，阿澤說：「除咗我整開嗰啲餸菜外，仲會煮番外母生前嘅家傳秘方，外母最叻煮燉元蹄，同大家share吓，我平日煮西餐多，我拿手係24小時慢煮牛肋骨、薯蓉同麵包布甸，呢啲一定會煮。」阿澤話平日最大興趣係空手道、煮嘢食同攝影呢三樣，所以一直好恨拍煮嘢食節目：「我好鍾意煮，又鍾意食，可惜一直冇機會，呢次陰差陽錯，我對節目班底好有信心。希望做好啲，大家多啲飲食嘢睇，今時今日，食嘢係唯一可以提供大家最大娛樂。」
至於嘉賓會請誰來撐場，阿澤則是笑說：「咪我喺娛樂圈僅餘嘅朋友，好似鄭中基、鄧麗欣同薛凱琪，都係呢啲。」◇
------------------
🏵️《九評》20周年👉🏻 https://hk.epochtimes.com/category/專題/退黨大潮
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
