鄭欣宜2月19日在IG舖相並發長文，追憶兒時自己頑皮樣及媽媽肥姐（沈澱霞）對她的教育方式，而每一次肥姐嚴厲打罵完欣宜都會心痛攬住佢「錫返」。欣宜直言希望能找到一個同樣愛自己的人出現，長文感動數萬圈中好友及網民。
許廷鏗、陳惠敏、蘇永康、莊思敏、鍾舒漫、黃翠如、羅天宇、張繼聰等紛紛按讚留言鄭欣宜的舖相及長文。而欣宜文中流露出的中文好功底連毛姐（毛舜筠）都驚歎「女，點解你啲中文寫得咁好？」
欣宜IG舖兒時頑皮照發長文「過嚟，錫返」
欣宜2月19日在IG舖出一張兒時頑皮張大嘴巴笑著半躺在媽媽肥姐懷中的相，並寫道：「睇吓我個樣幾頑皮。喺我返舊相嘅過程中發現由6歲至13歲期間影過嘅所有相入面我個樣都係古靈精怪。」欣宜直言：「你以為我影相時做鬼臉係因為要掩飾對自己外表嘅不滿？可能都有關嘅⋯⋯但係我知，佢都知：安安靜靜、乖乖女女、正正經經、坐定定的對我來講先至係一種掩飾。」
接著欣宜坦承「細個時嘅自己真係好曳」。
公開肥姐教女方式兒時已懂得反省
欣宜之後以非常生動的方式令大家「看到」肥姐教女的畫面，她連續幾個動作描述令人忍俊不禁：大喝一聲、嚴厲眼神、兜巴星、掹耳仔⋯⋯
「當我嘈喧巴閉、跑來跑去、坐唔定嘅時候佢只會大聲喝我一聲『鄭欣宜』再加多一個嚴厲眼神我就會靜止下來（其實通常唔使講任何野，掘我一眼就夠）。」原來欣宜細嗰陣時都會「蝦婆婆」，她說：「但當我最跩最跩例如蝦婆婆或者突然變Moody黑起塊面冇禮貌唔睬人或者講大話時⋯⋯佢真係會兜巴星我。然後佢就會叫我跪喺地下掹住耳仔。最搞笑係，俾佢打完，我梗係會喊啦～佢就會叫我「唔準喊！」
欣宜續說：「所以喺我又掙扎緊想喊但又唔準喊⋯⋯又反思點解我會俾佢打俾佢鬧，自己做錯啲乜嘢⋯⋯當我開始感到內疚時真係諗得通了，佢一定會叫我『過嚟，錫返』」
「然後我就會好似隻小胖羊走到佢身邊，貼住佢。佢就會攬住我，好聲好氣同我解釋我錯喺邊度。佢會同我解釋⋯⋯其實打我佢仲痛過我。」 相信很多網民看到這個位都會忍不住感動落淚。
懷念不離不棄的愛
欣宜又直言，今年已經35歲。媽媽都走咗14年了。「人越大越珍惜佢那種不離不棄。無論我有多壞，無論我令佢多失望，到最終佢都會叫我『過嚟』然後錫返我。」又一個洋蔥位！
她又期盼自己能夠找到一個，同樣對自己不離不棄的人：「⋯ ⋯當我嘈喧巴閉、跑來跑去、坐唔定嘅時候⋯⋯當我唔覺意發洩我嘅脾氣喺別人身上、突然變Moody黑起塊面冇禮貌唔睬人（yes, i still do this often）（是的，我仍然經常這樣做）當我唔知點處理問題然而瞞騙世界進入報喜不報優的狀態嘅時後⋯⋯都能接受我嘅好與壞，在任何情況的最終都會叫我『過嚟，錫返』嘅人⋯⋯就好𡀔。」
而欣宜最後寫道：「#我仍會等」
勾起圈中人懷念肥姐 好友紛紛留言送上愛心祝福
欣宜舖相發長文10個鐘，已有近6萬人觀看並點讚。不少圈中好友、前輩、粉絲亦紛紛留言，表示懷念肥姐。
毛姐（毛舜筠）寫到：「我都好掛住你媽媽……」並讚賞欣宜的中文好功底：「女 點解你啲中文寫得咁好？真係要讚下」並發出錫錫公仔。
好友姜麗文：「I was just thinking about Fei Fei Auntie few days ago. I hope you know how proud she must be of you, I know she' s watching over you and she must smiling so so hard watching you blossom and shine. You' ve grown into such a beautiful human inside out, and WE are all proud of you too. Love you so much. Miss you, Fei Fei Auntie!!」（前幾天還在想肥肥阿姨。 我希望你知道她一定為你感到多麼自豪，我知道她在看著你，她一定笑得那麼努力，看著你綻放和閃耀。 你已經從內到外成長為一個如此美麗的人，我們也為你感到驕傲， 很愛很愛你。 想念您，肥肥阿姨！！）
絕世好友許廷鏗留言：「愛你」並發出心型公仔。
藍奕邦留言：「You definitely will. 」（你肯定會的）
前輩蘇永康：「一定會有的。」
好友陳慧敏：「一定會，你值得擁有『愛』過嚟～錫返你」
鍾舒漫：「He heard that」（他聽到了）。
前輩谷德昭：「可能輪到你做嗰個人lu」。◇
------------------
💎成為會員 📧訂閱電子報
https://hk.epochtimes.com/subscribe
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
