MIRROR成員姜濤今日（30日）25歲生日，現時正與其他成員在新加坡準備演唱會的他昨晚在社交網站上載了自己沒有剃鬚的照片，他今日接受商台訪問時又表示，踏入25歲意味自己距離30歲又近了一點，希望未來5年能夠做更多事。
姜濤昨晚在Instagram發布了多則個人動態，當中有粉絲為他舉行的生日應援活動片段、亦有一幅他留著鬚根的自拍照、另外又寫了一句「24歲最後3小時了~」，到今日他又再分享了其他MIRROR成員為他慶生的短片。
姜濤的最新個人作品《好得太過份》在他生日正日派台，他今日中午越洋接受商台《叱咤樂壇》訪問時亦大談自己對生日的感受。他透露自己昨晚大約11點半就已經睡了，及後亦有醒來看看訊息，自己的生日就在不知不覺間度過。
姜濤又指，覺得25歲是一個里程碑，「對我嚟講，因為佢係20歲到30歲嘅一半，都會思考自己，有邊啲做得最好呢？有邊啲想再做好啲，再過多5年就30歲，嚟緊呢5年我想再做多啲嘢。」
談及自己的生日願望，姜濤笑言希望一切順利：「我好實在，大家都知金牛座，希望順利啦！希望做多啲好嘅音樂俾大家聽。好老嗰句﹐都係希望用作品話畀大家聽自己嘅故事、話畀大家聽，姜濤自己係一個點樣嘅人。希望處事再成熟啲，好多嘢都……好多嘢都隨緣啦！好多嘢都可以憑自己盡力。」
訪問期間，幾位主持人都對姜濤送上生日祝福，梁文禮祝他「食極唔肥」，姜濤即時豎起手指公大讚：「呢個願望好緊要，將呢個願望分享俾所有人！」而另一主持謝茜嘉祝他早日找到另一半，姜濤就尷尬表示：「隨緣啦！」@
------------------
📰支持大紀元，購買日報：
https://www.epochtimeshk.org/stores
📊InfoG：
https://bit.ly/EpochTimesHK_InfoG
✒️名家專欄：
https://bit.ly/EpochTimesHK_Column
