蓮香飲食集團8月9日凌晨12時半在社交平台發公告,表示蓮香樓及蓮香棧於8月8日正式結束營業。集團又特別提到蓮香樓及蓮香棧屬特許經營加盟商,而位於上環的蓮香居就不受影響,會繼續營運。

「各位茶客,首先多謝大家多年黎支持蓮香樓,我地好遺憾地暫時要同大家講聲再見。疫情以黎老闆都已經盡哂力去支撐蓮香樓,可惜真的敵不過疫情,始終都要走到這一步。 希望將來仲有機會同大家見面。另外,作為特許經營者,我們都希望其它同系之蓮香茶居可以繼續努力,戰勝疫情。再一次多謝大家嘅支持,有緣再會。」蓮香樓在社交平台宣布,蓮香樓及蓮香棧正式結業,記者到中環蓮香樓,門口已落閘,並貼上一張粉紅色紙,寫上「由於疫情關係,本店經營不善,感謝各街坊支持,有緣再會」,外牆仍掛著「霸皇鴨」的照片和「抗疫套餐」的菜單。

消息一出,引來不少舊茶客來懷緬一番。雖然下著大雨,龍小姐一手拿傘,一邊不停為已落閘的蓮香樓留影,龍小姐表示今早才知道結業的消息,「有啲唔係好捨得」。她指蓮香樓曾經宣布結業,當時她特地約好友來,「叫鳳爪排骨飯,個盅好大盅,兩個人食唔晒跟住打包」。之後還有一個暖心的故事,在她們離開蓮香樓時遇到一名露宿者,「咁啱果時天氣好凍,咁我就畀咗佢,叫佢趁熱食咗佢,佢就千謝萬謝」。

龍小姐對蓮香樓結業大感可惜,相信與疫情有關,「如果佢咁樣結束,曾經都話唔做,再做返,始終差唔多維持咗一年」,又指懷舊茶樓越來越少,希望多點懷舊酒樓能重現。

88歲的麥伯伯亦來「打卡」,他說自己自小就經常在蓮香樓飲茶,「因為佢舊時啲老師傅,佢喺嗰個茶樓耐,滾水茶靚,呢個確係第一嘅!」對蓮香樓突然間結業,麥伯伯也只淡然說句,「都冇辦法,講句真話家族生意,一代傳一代,有時拗起上嚟個荷包問題」。

與蓮香樓一條馬路之隔的鴨巴甸街有不少攤檔,改衣店檔主指完全沒有收過消息酒樓會結業,亦完全沒有跡象,「係好突然囉,我都係今朝先睇到,啲人講我先知」。老闆說自己間中會到蓮香樓飲茶,但今波疫情都沒有光顧過,印象最深刻還是它的茶葉,「佢啲茶葉真係好好飲嘅,係好靚,一般酒樓未必有佢咁靚嘅普洱」。

雖然感到有點可惜,「幫襯果啲新人係懷舊咁嘅心態,去飲一次半次有鬼用咩,果班老臣子成日幫襯,但死一個少一個,正式識得欣賞佢啲茶有幾多個吖講真。」又指這類懷舊的東西始終會慢慢被淘汰。

蓮香樓前身為廣州糕酥館,以蓮蓉食品最著名,1910年起以「連香樓」之名經營茶樓,其後才易名為「蓮香樓」,並於1918年成立香港分店,經過數次搬遷才到威靈頓街現址。其戰前粵式茶樓的獨特形象維持至今,更有已經幾乎「絕跡」的點心車,吸引不少遊客到訪。

蓮香樓亦多次在結業邊緣,19年2月底因租約期滿而休業整頓,其後由數位老員工以特許經營接手營運,更改名為「蓮香茶室」,之後發生社運及疫情無法繼續營運。前年3月,東主顏氏第四代傳人再次接管酒樓,並再次正名為「蓮香樓」。@

------------------
🎥【動紀元】每日有片你睇:
https://bit.ly/3PJu3tg

☑️ 登記會員享專屬服務:
https://hk.epochtimes.com/subscribe
☑️ 贊助大紀元:
https://www.epochtimeshk.org/sponsors
☑️ 成為我們的Patron:
https://www.patreon.com/epochtimeshk

------------------

📰支持大紀元,購買日報:
https://www.epochtimeshk.org/stores
📊InfoG:
https://bit.ly/EpochTimesHK_InfoG
✒️名家專欄:
https://bit.ly/EpochTimesHK_Column