【4.1紀元頭條】彭定康：中共違背所有承諾

各位觀眾，大家好，今天是 3 月 31 號，星期三，歡迎收看紀元頭條。我係雪兒。

中共人大常委會3月30日，修改香港選舉制度。當日，前港督彭定康（Chris Patten）透過「香港監察」（Hong Kong Watch）發聲明表示，呢個舉動再次向世界展示左中共不係唔可信嘅。

彭定康指出，中共呢次修改選舉制度令任何計劃參選嘅人士都要經過「愛國者治港」標準嘅篩選，呢個係「迄今為止扼殺香港自由同法治環境嘅最大舉動」。

彭定康話：「中共違背左所有嘅承諾，特別係鄧小平作出嘅承諾。中共規定，效忠於共產黨嘅先至係愛國者，呢個完全摧毀左佢對一國兩制嘅保證。中共再一次向全世界展示，佢係唔可以信任嘅。中共對自由開放社會來講，係一個殘暴嘅威脅。」

「香港監察」創辦人羅傑斯（Benedict Rogers）係聲明裏面表示：「呢次修改選舉制度唔只係違背左《中英聯合聲明》同《基本法》，而且完全改寫左北京自己制定嘅規則。顯然，習近平甚至唔願意口頭講一下『一國兩制』嘅承諾同中國應履行嘅國際義務。」

中共全國人大常委會30號，大幅變更香港選舉制度，通過北京控制嘅推選委員會，將民主派完全邊緣化。

新法規規定將立法會議員從70名擴大到90名，但係只有20人屬於直選，佔22%。而係上屆立法會裏面，一半嘅議員，亦就係 35人可以通過直選當選。修改後，非直選嘅70席裏面，40席將由忠於北京嘅推舉委員會指定，剩低嘅30名由功能界別選舉產生。

新法規會將通過直選上來嘅議員減少到最低程度，立法會從此好難形成真正嘅民主辯論。對此，香港特首林正月娥就稱讚說，香港社會嘅過分政治化，內部分裂從此將大大淡化。

英國外交大臣藍韜文表示，香港選舉新規嚴重違背中英聯合聲明。

明年係中共二十大召開之年，亦係人事大調整之年，屆時韓正、駱惠寧等多名主管港澳事務嘅官員將會到退休之齡，人事點樣變動備受關注。

按照中共副國級高官「七（67）上八（68）落」嘅慣例，主管港澳工作領導小組組長嘅韓正二十大嘅時侯已經年過68歲；副組長趙克志亦接近69歲；另一位副組長、兼任港澳辦主任嘅夏寶龍接近70歲；中聯辦主任，駱惠寧已經滿68歲。到時，主管港澳事務官員將面臨大換血。

香港多年黎實際掌控係中共江派實力派人物曾慶紅嘅手中，2019年，香港爆發「反送中」運動，時任中聯辦主任王志民、港澳辦主任張曉明都被指係曾慶紅嘅人馬，涉嫌參與係香港攪局。

「反送中」運動激化之後，王志民被突然撤換，由已經退至二線到年齡退休、從未涉足港澳事務嘅駱惠寧接任。當時有政治觀察家分析，係激烈嘅中共權鬥中，凸顯中共高層幾乎無人可用，而且可能係中共各派鬥爭嘅產物。

到明年二十大前呢個期間，主管香港嘅人事問題，係中共高層少不了再次出現明爭暗鬥嘅博弈。

世界衛生組織3月30日，發布病毒起源調查報告。對此白宮表示質疑。

世衛調查團係最終報告裏面得出結論，話病毒從武漢實驗室泄露「極唔可能」，認為毒「非常有可能」係由蝙蝠通過另一種動物傳俾人。

白宮發言人普薩基（Jen Psaki）當日，係例行記者會上被問到對世衛發布嘅病毒起源調查報告嘅睇法時表示，調查過程唔透明，中方無提供基礎數據，咁當然唔算合作。

佢話，「我地認為呢個（調查）過程應該有第二階段，應該由國際同獨立專家領導。佢哋應該唔受限制咁調查數據。應該能夠向系現場嘅人們提出問題，而呢個係世衛可以採取嘅步驟。」

另外，當日，美奧日等14國發布聯合聲明，對世衛嘅報告提出「共同嘅關切」。並強調，俾獨立專家取得所有相關嘅人、動物同環境資料，以及自由接觸同確定呢次大流行係點樣發生嘅，疫情早期階段涉及嘅人士，係非常重要。

中美關係持續緊張，美國電動車製造商特斯拉（Tesla）依家嘅日子亦變得唔好過。最近因被中共軍方質疑存在間諜隱憂，特斯拉被禁止駛入中共軍事設施同官方機構。

特斯拉首席執行官馬斯克（Elon Musk）雖極力澄清佢嘅電動車唔會從事間諜活動，同時仲高調稱讚中共當局嘅環保政策，似乎希望中共當局對佢網開一面。

美國嘅中國問題專家章家敦話俾美國之音聽，「中國（中共）唔會俾特斯拉嘅日子好過，並最終將拿攞走特斯拉嘅技術，關閉佢係中國嘅運營。」

章家敦分析話，短期黎睇，在華運營嘅美國公司可能會賺錢，但長遠黎睇，佢地將被趕出中國。因此，佢建議話，如果在華外企夠聰明嘅話，不如係佢地嘅技術沒有被竊取之前，就離開中國。

近日，中共官媒播出嘅專題片中，曝光左多個涉黑「保護傘」案件。其中多次干預涉黑案件偵辦嘅陝西省咸陽市委原紀委書記、監委主任權王軍現身，佢係專題片裏面自白話：「我係交友上確實有問題，選擇交友嘅標準係『錢』，有錢嘅人我就同佢多來往，無錢嘅人根本就唔來往。」

專題片介紹，2018年利用職權收受賄賂，保護當地嘅黑社會人員等多項罪名。

2020年6月15日，陝西省安康市中級法院以犯受賄罪、濫用職權罪等五項罪名判處權王軍有期徒刑22年。法院審理查明，權王軍累計收受財物折合人民幣6721萬元，來源不明嘅財產達人民幣2930幾萬元。

人類對速度嘅追求似乎係無盡頭嘅。澳洲布里斯班嘅一間公司開發左一項新技術，計劃係 2031年，係 2個半重之內，從澳洲飛到紐約。

據《澳洲人報》報導，Hypersonix發射系統公司設計嘅以氫為燃料嘅衝壓式噴氣發動機，能夠達到時速7千公里，呢個引起美國航空巨頭波音公司嘅興趣。

Hypersonix嘅聯合創辦人兼研發負責人司馬特（Michael Smart）表示，目前進入太空嘅唯一途徑係「通過火箭發射」，「波音公司想製造一種能飛向太空嘅飛機」。佢表示同播音合作，計劃10年左右實現呢個目標。到時候從悉尼飛紐約只需要 2個半鐘。

新聞未完架，之後嘅新聞，包括：威脅、獎勵齊上打疫苗成大陸政治任務；緬甸局勢惡化美國下令非緊急人員急撤；80後跳入高爐鋼水原因心酸。呢 D新聞會係 patreon 度播，大家快 D 去 patreon ，「撐雪兒」或者「勁撐雪兒」啦，patreon 見。@

------------------

80後跳進鋼水爐原因心酸